ИСТИФОДАИ САМАРАНОКИ ЗАМИН. Сокини шаҳри Кӯлоб аз замини наздиҳавлигиаш 3 маротиба ҳосил мегирад
ДУШАНБЕ, 21.12.2023 /АМИТ «Ховар»/. Сокини деҳоти Корезии поёни Ҷамоати деҳоти Зиракии шаҳри Кӯлоб Рузигул Одилова 10 сотих замини наздиҳавлигии худро самаранок истифода бурда, дар он то се маротиба маҳсулоти кишоварзӣ кишт менамояд. Ӯ як қисми ҳосили бадастовардаашро барои зимистонгузаронии оила захира намуда, қисми дигарро ба бозор барои фурўш мебарорад.
Тавре ин зани кишоварз зимни суҳбат бо мухбири рӯзномаи «Хатлон» баён доштааст, дар аввали баҳор помидор, пиёз, булғорӣ, бодиринг, картошка ва чандин намуди дигари сабзавот кишт намуда, ҳосили хуб ба даст меорад.
«Дар аввали баҳор маҳсулоти кишоварзӣ, алалхусус картошкаю помидор дар бозорҳо нархи гарон доранд. Аксарияти сокинони деҳотҷойҳо онҳоро харида наметавонанд. Аммо, мо дар оила аз замини наздиҳавлигӣ маҳсулоти тару тозаи онҳоро беминнат истифода мебарем. Ҳатто миқдоре аз онҳоро ба бозор бурда, мефурӯшем ва бар ивази маблағи бадастоварда рӯзгорамонро пеш мебарем», — гуфтааст Рузигул Одилова.
Имрӯзҳо холаи Рузигул ҳосили картошкаи тирамоҳии худро, ки моҳи август кишт намуда буд, ҷамъ меорад. Як қисми онро барои зимистонгузаронии оила монда, қисми дигарро ба бозор бурда, ба фурӯш мегузорад.
Ӯ ҳар як чизи дар замини наздиҳавлигӣ бударо хуб истифода мебарад. Аз меваи чанд тан дарахтони ҳавлияш мураббо омода намуда, барои зимистони дарпешистода омодагӣ мебинад.
Ба иттилои нашрия, дар деҳоти Корезии поёни Ҷамоати деҳоти Зиракии шаҳри Кӯлоб аксари сокинон ба чунин кор машғул буда, хони худро тамоми сол пурнозу неъмат нигоҳ медоранд.
Заҳмати шабонарӯзӣ, истифодаи мақсадноки замин ва гирифтани ду-се ҳосил аз қитъаи замини наздиҳавлигӣ имкон медиҳад, ки эҳтиёҷи сокинон қонеъ шуда, аз ҳисоби фоида сатҳи зиндагиашон беҳтар гардад.
АКС аз манбаъҳои боз
Дар Вазорати рушди иқтисод ва савдои Ҷумҳурии Тоҷикистон ҳамоиши ҷавонон доир гардид
Раёсати ҷониби Тоҷикистон дар ҷаласаи Шурои роҳбарони мақомоти омори мамлакатҳои аъзои Иттиҳоди Давлатҳои Мустақил
Байни Палатаи савдо ва саноати Ҷумҳурии Тоҷикистон ва Ҷамъияти дорои масъулияти маҳдуди «РВБ» Ёддошти тафоҳуми ҳамкорӣ ба имзо расид
Ҷаласаи Комиссияи байниҳукуматии Ҷумҳурии Тоҷикистон ва Федератсияи Русия оид ба ҳамкории иқтисодию тиҷоратӣ баргузор гардид
Ҳамкории тиҷоратию иқтисодӣ ва сармоягузории дуҷониба байни Тоҷикистон ва Амороти Муттаҳидаи Араб густариш меёбад
Дар Душанбе ҳамкории ширкатҳои австриягӣ дар бунёди неругоҳҳои барқи обӣ дар Тоҷикистон баррасӣ шуд
Ҳайати Тоҷикистон дар Форум-намоишгоҳи байналмилалии сохтмонӣ 100+ TechnoBuild иштирок намуд
Ҳамлу нақли транзитии воситаҳои нақлиёти боркаш тавассути қаламрави Тоҷикистон ва Узбекистон бе рухсатнома амалӣ мегардад
Дар дарёи Ғунд Неругоҳи барқи обии «Чарсем» бунёд карда мешавад
Ҷаласаи Комиссияи байниҳукуматии Ҷумҳурии Тоҷикистон ва Федератсияи Русия оид ба ҳамкории иқтисодӣ доир мегардад
Робитаҳои иқтисодиву тиҷоратии Тоҷикистон ва Озарбойҷон тавсеа меёбанд
Дар Душанбе лоиҳаи «Маблағгузории соҳибкории занон» баррасӣ гардид
