Муҳлати қабули асарҳо барои дарёфти Ҷоизаи давлатии Ҷумҳурии Тоҷикистон ба номи Абӯабдулло Рӯдакӣ дар соли 2024 ба охир мерасад
ДУШАНБЕ, 24.12.2023 /АМИТ «Ховар»/. Тавре қаблан иттилоъ додем, Кумитаи Ҷоизаи давлатии Ҷумҳурии Тоҷикистон ба номи Абӯабдулло Рӯдакӣ озмуни асарҳои адабиву ҳунарӣ, меъморӣ ва публитсистиро барои дарёфти Ҷоизаи давлатии Ҷумҳурии Тоҷикистон ба номи Абӯабдулло Рӯдакӣ дар соли 2024 эълон намуд, ки пешбарӣ ва қабули асарҳои довталабон то 25 декабри соли 2023 муқаррар гардидааст.
Тавре ба АМИТ «Ховар» дар Иттифоқи нависандагони Тоҷикистон иттилоъ доданд, ба озмун асарҳое, ки дар соҳаҳои адабиёт, санъат, меъморӣ ва журналистика ҳамчун дастоварди баландпояву гаронмояи эҷодӣ сазовори эътирофи ҳамагон шудаанд, пешниҳод мегарданд.
Ба дарёфти ҷоиза бояд асарҳои адабӣ, мусиқӣ, меъморӣ ва пажуҳишҳои хоссаи адабиёту санъат, ки давоми панҷ соли охир то санаи соли мукофотдиҳӣ эҷод ва бунёд гардидаанд, инчунин филмҳои синамоиву телевизионӣ, намоишҳои театриву телевизионӣ, барномаҳои консертии сарояндагӣ, навозандагиву рақсӣ ва асарҳои публитсистӣ, ки давоми се соли охир то санаи соли мукофотдиҳӣ манзури умум гардидаанд, пешниҳод мешаванд. Асарҳои пешбаришаванда бояд як сол пештар аз санаи соли мукофотдиҳӣ ба табъ расида, иҷро гардида, намоиш ёфта ва ё бунёд шуда бошанд.
Дар бахшҳои адабиёт — 1 ҷоиза, театр ва синамо — 1 ҷоиза, мусиқӣ ва ҳунарнамоӣ — 1 ҷоиза, санъати тасвирӣ ва меъморӣ — 1 ҷоиза, эҷодиёти бадеӣ барои кӯдакон ва наврасон (адабиёт, театр, синамо, мусиқӣ, санъати тасвирӣ…) — 1 ҷоиза, журналистика — 1 ҷоиза ва 1 ҷоизаи махсуси байналмилалӣ барои тарҷума, пажуҳиш ва тарғиби адабиёти тоҷик дар мамлакатҳои хориҷӣ (барои муаллифони хориҷӣ) муқаррар шудааст.
Як номзад наметавонад дар як вақт бо ду ё зиёда асари худ барои ҷоиза довталабӣ намояд.
Пешниҳоди такрории асарҳои тақдиршуда ё пештар ба ин ҷоиза пешбаригардидаву баррасишуда манъ аст.
Асари нави барҷастаи шахси барандаи собиқи Ҷоизаи давлатии Тоҷикистон ба номи Абӯабдулло Рӯдакӣ, агар падидаи фавқулодаи адабиву ҳунарӣ бошад, танҳо баъди 5 сол аз санаи мукофотгирии аввала ба озмун роҳ дода мешавад.
Барои гирифтани маълумот ва супоридани ҳуҷҷату маводи пешниҳодӣ ба нишонии зерин муроҷиат шавад: шаҳри Душанбе, хиёбони Исмоили Сомонӣ, 8, қабулгоҳи Кумитаи Ҷоизаи давлатии Тоҷикистон ба номи Абӯабдулло Рӯдакӣ (бинои Иттифоқи нависандагони Тоҷикистон, ошёнаи 2), телефон: 224-57-49.
АКС: АМИТ «Ховар»
Дар Бадахшон 80 нафар ба даври ниҳоии Озмуни ҷумҳуриявии «Тоҷикистон – Ватани азизи ман» роҳхат гирифтанд
Ҳайати Кумитаи дӯстии байнипарлумонии Шоҳигарии Арабистони Саудӣ Осорхонаи миллии Тоҷикистонро тамошо кард
«ҶАҲОНИ ОЯНДА». Дар ин намоишгоҳи байналмилалӣ дар Душанбе беш аз 200 асари рассомони ҷавони Тоҷикистону Чин ба намоиш гузошта шуд
Дар Душанбе густариши ҳамкорӣ дар самтҳои техника ва таҳқиқоти илмӣ баррасӣ гардид
ВАҲДАТИ МИЛЛӢ — ПЕШРАФТУ ПИРӮЗИИ МО. Андешаҳои Шоири халқии Тоҷикистон Камол Насрулло дар ин хусус
«КОРВОНИ КИТОБ». Ба ифтихори Рӯзи Ваҳдати миллӣ ба ноҳияҳои минтақаи Рашт китоб тақдим мегардад
БА ҚАДРИ СУЛҲУ СУБОТ БОЯД РАСИД! Дар Академияи миллии илмҳои Тоҷикистон бахшида ба Рӯзи Ваҳдати миллӣ роҳпаймоӣ баргузор гардид
«СИМОИ ЗАН ДАР ЭҶОДИЁТИ РАССОМОНИ ТОҶИКИСТОН ВА ЧИН». Таҳти ин унвон дар Осорхонаи миллӣ намоиш баргузор шуд
«ТОҶИКИСТОН — ВАТАНИ АЗИЗИ МАН». Дар Хоруғ даври вилоятии ин озмун оғоз гардид
27-СОЛАГИИ ВАҲДАТИ МИЛЛӢ. Ба ин муносибат дар Осорхонаи миллӣ гӯшаи доимоамалкунанда ташкил гардидааст
Афсарону сарбозони Гвардияи миллӣ бахшида ба Рӯзи Ваҳдати миллӣ ба тамошои Осорхонаи миллӣ омаданд
«СИ ҶИНПИН ДАР БОРАИ ИДОРАКУНИИ ДАВЛАТӢ». Маҳфили китобдӯстони Тоҷикистону Чин дар Душанбе ба ин мавзуъ бахшида шуд
