Намояндаи Тоҷикистон дар ҷаласаи 14-уми Шурои роҳбарикунандаи Барномаи ҳамкории иқтисодии минтақавии Осиёи Марказӣ иштирок намуд
ДУШАНБЕ, 02.12.2023. /АМИТ «Ховар»/. 1 декабр дар шаҳри Тифлиси Гурҷистон ҷаласаи 14-уми Шурои роҳбарикунандаи Барномаи ҳамкории иқтисодии минтақавии Осиёи Марказӣ (БҲИМОМ) баргузор гардид, ки дар он муовини Вазири рушди иқтисод ва савдои Ҷумҳурии Тоҷикистон Фарҳод Восидиён иштирок намуд. Дар ин хусус ба АМИТ «Ховар» дар Вазорати рушди иқтисод ва савдои ҷумҳурӣ хабар доданд.
Фарҳод Восидиён иброз дошт, ки Тоҷикистон таҳти сиёсати хирадмандона ва дурандешонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба таҳкими ҳамкории иқтисодӣ дар доираи БҲИМОМ таваҷҷуҳи хосса дода, аз давлатҳои аъзои он даъват намуд, ки ҳамкории зичи минтақавиро тақвият бахшанд.
Дар ҷаласа Нақшаи амалиётии Институти ҲИМОМ барои солҳои 2024-2025, Нақшаи қабули кормандон, Нақшаи буҷет барои соли 2024 ва дигар масъалаҳои муҳим баррасӣ гардиданд.
Дар робита ба масъалаҳои баррасишаванда Роҳбари ҳайати Тоҷикистон пешниҳод намуд, ки фаъолияти тадқиқотии Институти ҲИМОМ дар самтҳои баргузор намудани омӯзишҳои амалӣ оид ба баланд бардоштани иқтидори кадрӣ, ҷалби олимон ва пажуҳишгоҳҳои маҳаллӣ ҳангоми гузаронидани таҳқиқоти илмӣ тақвият дода шавад.
Дар анҷоми ҷаласа Шурои роҳбарикунанда доир ба таҳкими ҳамкории минбаъда қарорҳои дахлдор қабул намуд.
АКС: Вазорати рушди иқтисод ва савдои Ҷумҳурии Тоҷикистон
Дар Душанбе татбиқи лоиҳаҳои муштараки сармоягузорӣ бо MCDF баррасӣ шуд
Вазирони нақлиёти Тоҷикистон ва Корея тақвияти ҳамкориро дар соҳаи нақлиёт ва роҳи оҳан баррасӣ намуданд
Байни Агентии содироти Тоҷикистон ва Агентии рушди тиҷорат ва сармоягузории Корея Ёддошти тафоҳуми ҳамкорӣ ба имзо расонида шуд
Байни Тоҷикистон ва Корея Ёддошти тафоҳум оид ба ҳамкорӣ дар соҳаи энергетика ба имзо расонида шуд
Байни Вазорати молияи Тоҷикистон ва ширкати «Oppenheimer & Co. Inc.» Ёддошти тафоҳум оид ба ҳамкорӣ ба имзо расид
Тоҷикистон ва Корея ҳамкории гумрукиро густариш медиҳанд
Робитаҳои тиҷоратию иқтисодии Тоҷикистон ва Корея тақвият меёбанд
Дастовардҳои Тоҷикистон дар самти рушди устувори иқтисодӣ дар шаҳри Лондон муаррифӣ гардиданд
Тоҷикистон ҳамкориро бо ширкати SK Specialty-и Корея оид ба коркард ва истеҳсоли волфрам тақвият медиҳад
Самтҳои стратегии Маркази ҳамкории бисёрҷониба оид ба маблағгузории рушд барои солҳои 2027-2031 муаррифӣ гардид
ТАҲКИМИ БЕХАТАРИИ САНОАТӢ ВА РУШДИ УСТУВОР. Эҳдо ба 35-солагии Истиқлоли давлатии Тоҷикистон
Кишоварзони Тоҷикистон имсол кишти такрориро аз нақша барзиёд иҷро намуданд
