Намояндаи Тоҷикистон дар Форуми байналмилалии коршиносӣ иштирок намуд
ДУШАНБЕ, 12.12.2023 /АМИТ «Ховар»/. 11 декабр Директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода дар Форуми байналмилалии коршиносӣ таҳти унвони «Муколамаи стратегии Осиёи Марказӣ – Ҷумҳурии Корея: дурнамои ҳамкории мутақобилан судманд», ки аз ҷониби Институти стратегӣ ва таҳқиқоти байниминтақавии назди Президенти Ҷумҳурии Узбекистон дар ҳамкорӣ бо Маркази таҳқиқоти минтақавӣ ва байналмилалии Корея баргузор шуд, тариқи онлайн иштирок намуд. Дар ин хусус ба АМИТ «Ховар» дар Маркази тадқиқоти стратегӣ хабар доданд.
Директори марказ дар ҳошияи ҷаласаи аввал дар мавзуи «Ҳолат ва имконияти ҳамкории мутақобилан судманд байни Тоҷикистон ва Кореяи Ҷанубӣ» сухан гуфт. Дар форум ҳамзамон сардори Раёсати тадқиқоти масъалаҳои соҳавӣ Ораз Муртазоев дар мавзуи «Тоҷикистон ва Корея: самтҳои асосии ҳамкорӣ ва дурнамои рушди равобити мутақобилан судманд» изҳори андеша намуд.
Дар ҳамоиш роҳбарони марказҳои таҳлилӣ ва коршиносони варзидаи Тоҷикистон, Қазоқистон, Қирғизистон, Корея, Туркманистон ва Узбекистон иштирок намуданд.
Иштирокчиёни форум оид ба тавсеаи ҳамгироӣ байни давлатҳои Осиёи Марказӣ ва Корея дар шароити гуногуни фарҳангию тамаддунӣ ва роҳҳои ташкили ҷомеаи дорои сарнавишти муштарак мубодилаи афкор намуданд.
Зимни суханронӣ Хайридин Усмонзода таъкид намуд, ки дар заминаи қолаби С5+1 ташкил намудани ҳамкории марказҳои зеҳнӣ дар тақвияти робитаҳои мутақобилан судманд басе муфид ва саривақтӣ мебошад. Ӯ тақвият ёфтани робитаҳо байни пажуҳишгоҳҳо ва марказҳои таҳлилиро дар тавсеаи ҳамгироӣ байни давлатҳои минтақаю Ҷумҳурии Корея ва таҳкими ҳамкории байниминтақавӣ хеле зарур ва муҳим арзёбӣ намуд.
Иброз гардид, ки муносибатҳо байни давлатҳои Осиёи Марказӣ ва Ҷумҳурии Корея сол то сол тақвият меёбанд. Хусусан ҳамкории тиҷоратӣ-иқтисодӣ бо суръати назаррас рушд менамояд.
АКС: Хадамоти матбуоти Маркази тадқиқоти стратегии назди Президенти Ҷумҳурии Тоҷикистон
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
Имрӯз дар Тоҷикистон ҳавои камабри бебориш пешгӯӣ мешавад
Дар Миср бахшида ба Рӯзи Парчами давлатии Ҷумҳурии Тоҷикистон ҳамоиш баргузор шуд
Дар Донишгоҳи давлатии Кӯлоб Рӯзи Парчами давлатиро ҷашн гирифтанд
Имрӯз дар шаҳри Душанбе чангу ғубор ба амал меояд
ШУКУҲИ ПАРЧАМИ ДАВЛАТӢ. Дар Донишгоҳи байналмилалии сайёҳӣ ва соҳибкории Тоҷикистон ҳамоиши идона доир шуд
Парчами давлатӣ симои Тоҷикистонро чун давлати соҳибистиқлолу соҳибтамаддун дар ҷаҳон муаррифӣ менамояд
