Вазирони энергетикаи Тоҷикистон, Покистон ва Қирғизистон ҷараёни татбиқи лоиҳаи CASA-1000-ро дар Дубай баррасӣ намуданд
ДУШАНБЕ, 06.12.2023 /АМИТ «Ховар»/. Дар шаҳри Дубайи Аморати Муттаҳидаи Араб вазирони энергетикаи Ҷумҳурии Тоҷикистон Далер Ҷумъа, Ҷумҳурии Қирғизистон Таалайбек Ибраев ва Ҷумҳурии Исломии Покистон Муҳаммад Алӣ зимни мулоқот ҷараёни татбиқи лоиҳаи минтақавӣ оид ба интиқол ва савдои неруи барқ — CASA-1000-ро, ки арзиши умумии он 1,2 миллиард доллари америкоиро дар бар мегирад, баррасӣ намуданд.
АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттиллоъ медиҳад, ки мулоқоти вазирони энергетикаи Тоҷикистон, Қирғизистон ва Покистон дар Дубай дар ҳошияи Конфронси ҷонибҳои Конвенсияи қолабии Созмони Милали Мутттаҳид /СММ/ оид ба тағйирёбии иқлим (COP 28) баргузор гардид.
Зимни мулоқот вазирон иброз доштанд, ки сохтмони иншооти ин лоиҳаи бузург дар қаламрави Тоҷикистон, Покистон ва Қирғизистон дар марҳилаи ниҳоӣ қарор дорад.
Таъкид гардид, ки ҷонибҳо дастгирии дастҷамъонаи худро барои оғози ҳарчи зудтари марҳилаи истифодаи тиҷоратии лоиҳа иброз медоранд. Дар ин самт вазирон Изҳороти дахлдорро ба созмонҳои байналмилалии молиявӣ доир ба вусъат бахшидани корҳо дар татбиқи ин лоиҳа омода намуданд.
Дар мулоқот вазирон аҳамияти Лоиҳаи CASA-1000, тарҳи беназири интиқоли байниминтақавии неруи тозаи барқ ва ташаббусро дар самти энергияи «сабз», ки ду минтақа – Осиёи Марказӣ ва Осиёи Ҷанубиро ба ҳам мепайвандад, тасдиқ намуданд.
Изҳор гардид, ки ин лоиҳа на танҳо сатҳи некуаҳволии сокинони маҳаллиро, ки аллакай аз ин лоиҳа манфиат мегиранд, боз ҳам беҳбуд мебахшад, балки дар мубориза бо тағйирёбии иқлим низ саҳми назаррас мегузорад.
АКС: Вазорати энергетика ва захираҳои оби Ҷумҳурии Тоҷикистон
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
Дар шаҳри Бангкок мулоқоти вазирони молия ва раисони бонкҳои марказии кишварҳои Осиёи Марказӣ ва Қафқоз баргузор шуд
РӮЗИ БАЙНАЛМИЛАЛИИ ЗАНОНИ ДЕҲОТ. Дар Тоҷикистон беш аз 3 миллион занон дар деҳот зиндагӣ менамоянд
ИМРӮЗ-РӮЗИ КИШОВАРЗОН. Ин соҳа зиёда аз 61 фоизи аҳолиро бо ҷойи кор фаро гирифтааст
Дар доираи Форуми тиҷоратии «New Silk Way» роҳбарони роҳи оҳани Тоҷикистон ва Қазоқистон вохӯрӣ намуданд
Мораторий ба санҷиши субъектҳои соҳибкории хурду миёна то 1 январи соли 2029 тамдид карда мешавад
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
