Байни Институти масъалаҳои об, гидроэнергетика ва экологияи Тоҷикистон ва Донишгоҳи омӯзгории Синзяни Чин Қарордод оид ба тасмими ҳамкорӣ ба имзо расид
ДУШАНБЕ, 30.01.2024 /АМИТ «Ховар»/. Байни Институти масъалаҳои об, гидроэнергетика ва экологияи Академияи миллии илмҳои Тоҷикистон ва Донишгоҳи омӯзгории Синзяни Ҷумҳурии Мардумии Чин оид ба тасмими ҳамкорӣ қарордод ба имзо расид.
Тавре ба АМИТ «Ховар» дар Институти масъалаҳои об, гидроэнергетика ва экология хабар доданд, қарордод дар Маркази Конфутсий дар доираи татбиқи амалии банди 9.3. Нақшаи чорабиниҳои Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Чин аз 7 сентябри соли 2022, инчунин Протоколи ҷаласаи сеюми комиссияи Тоҷикистон ва Чин оид ба ҳамкории илмӣ-техникӣ байни Институти масъалаҳои об, гидроэнергетика ва экологияи Академияи миллии илмҳои Тоҷикистон ва Донишгоҳи омӯзгории Синзяни Ҷумҳурии Мардумии Чин ба имзо расонида шуд.
Ҷонибҳо бо бастани қарордод метавонанд минбаъд ҳамкориро дар самтҳои мухталиф, аз ҷумла мониторинг ва истифодаи оқилонаи захираҳои об, технологияҳои обсарфакунанда ва бехатарии оби нӯшокӣ, энергетикаи атомӣ, коркард ва истифодаи технологияҳо дар самти гидроэнергетика, энергияи шамолӣ ва офтобӣ, мониторинги пайомадҳои тағйирёбии иқлим ва тадбирҳои марбутаи ҷавобӣ, экология ва ҳифзи муҳити зист, аз ҷумла ҳифзи гуногунии биологӣ, ҳифзи муҳити зист, назорати ифлосшавӣ ва амнияти экологӣ, пешгирӣ ва рафъи оқибатҳои офатҳои табиӣ ва ғайра амалӣ намоянд.
АКС: Институти масъалаҳои об, гидроэнергетика ва экологияи Академияи миллии илмҳои Тоҷикистон
54 донишҷӯи Донишгоҳи давлатии Кӯлоб ба даври муассисавии Озмуни ҷумҳуриявии «Фурӯғи субҳи доноӣ китоб аст» роҳхат гирифт
Маркази барномаҳои байналмилалӣ қабули ҳуҷҷатҳоро ба муассисаҳои таҳсилоти олии Озарбойҷон оғоз намуд
Дар Донишгоҳи давлатии омӯзгории Тоҷикистон бахшида ба Рӯзи Артиши миллӣ ҳамоиши фарҳангӣ баргузор гардид
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
