Бонки миллии Тоҷикистон узви Шабакаи бонкдорӣ ва маблағгузории устувор- «SBFN» гардид
ДУШАНБЕ, 10.01.2024 /АМИТ «Ховар»/. Бонки миллии Тоҷикистон узви Шабакаи бонкдорӣ ва маблағгузории устувор- Sustainable Banking and Finance Network «SBFN» гардид. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Тасдиқномаи Шабакаи бонкдорӣ ва маблағгузории устувор –«SBFN» дар хусуси пайваст шудани Бонки миллии Тоҷикистон ба SBFN дастрас гардид.
Бояд тазаккур дод, ки SBFN соли 2012 аз ҷониби Корпоратсияи байналмилалии молиявӣ (IFC) таъсис дода шуда, ба ҳолати моҳи декабри соли 2023 он бо 84 танзимгари молиявӣ ва ассотсиатсияи саноатӣ дар 66 давлати ҷаҳон ҳамкорӣ менамояд. Аъзои ин шабака аз рӯи сатҳ ва гурӯҳҳои кории мавзуӣ дар марҳилаҳои гуногуни татбиқи чораҳо дар самти маблағгузории устувор ҳамкорӣ намуда, ташаббусҳои миллии маблағгузории устуворро дар доираи таҷрибаҳои байналмилалӣ амалӣ ва ба рушди маблағгузории устувор дар кишварҳои худ мусоидат менамоянд.
Дар робита ба ин аъзои SBFN-ро зарур аст ҷиҳати беҳтар намудани масъалаҳои идоракунии экологӣ, иҷтимоӣ ва корпоративӣ (ESG) аз ҷониби муассисаҳои молиявӣ, аз ҷумла идоракунӣ ва ифшои хатарҳои иқлимӣ, афзоиши гардиши сармоя ба фаъолияте, ки таъсири мусбати экологӣ ва иҷтимоӣ доранд, аз қабили коҳиш додани тағирёбии иқлим тадбир андешанд.
Низоми бонкии мамлакат дар робита ба он якчанд корҳоро амалӣ менамояд. Бонки миллии Тоҷикистон ҳамчун мақоми назоратӣ барои ба таҷрибаи байналмилалӣ мутобиқ намудани фаъолияти низоми бонкӣ дар ин самт тадбирҳои зарурӣ меандешад.
АКС аз манбаъҳои боз
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ҚУРБИ АСЪОР: 1 рубли русӣ аз 0.1170 то 0.1189 сомонӣ муқаррар шудааст
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
