Дар Душанбе байни вазирони корҳои хориҷии Тоҷикистон ва Қазоқистон музокирот баргузор гардид
ДУШАНБЕ, 25.01.2024 /АМИТ «Ховар»/. Имрӯз, 25 январ дар Душанбе Вазири корҳои хориҷии Ҷумҳурии Тоҷикистон Сироҷиддин Муҳриддин бо муовини Сарвазир-Вазири корҳои хориҷии Ҷумҳурии Қазоқистон Мурат Нуртлеу, ки бо сафари расмӣ дар Тоҷикистон қарор дорад, мулоқот намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Вазирон дар шаклҳои маҳдуд ва васеъ вазъият ва дурнамои рушди муносибатҳои шарикии стратегӣ ва ҳампаймонии Тоҷикистон ва Қазоқистонро дар бахшҳои сиёсӣ, тиҷоратӣ-иқтисодӣ ва фарҳангию гуманитарӣ муфассал баррасӣ намуда, доир ба масъалаҳои амнияти минтақавӣ ва ҳамкории ду давлат дар доираи созмонҳои байналмилалӣ ва минтақавӣ табодули афкор намуданд.
Зимни музокирот ба татбиқи тавофуқоте, ки дар натиҷаи сафари давлатии Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Қазоқистон дар моҳи майи соли 2023 дар сатҳи олӣ ба даст омадаанд, бахусус фаъолгардонии соҳаи савдо, ҳамкории энергетикӣ ва сармоягузорӣ таваҷҷуҳи хосса зоҳир гардид.
Зимни музокирот омодагӣ барои дастгирии мутақобила дар масъалаҳои пешбурди ташаббусҳои Тоҷикистон ва Қазоқистон дар доираи Созмони Милали Муттаҳид (СММ), Созмони ҳамкории Шанхай (СҲШ), Иттиҳоди Давлатҳои Мустақил (ИДМ), Созмони Аҳдномаи амнияти дастҷамъӣ (СААД), Созмони амният ва ҳамкорӣ дар Аврупо (САҲА), абзори вохӯриҳои машваратии сарони давлатҳои Осиёи Марказӣ ва дигар сохторҳои бисёрҷониба тасдиқ гардид.
Дар натиҷаи гуфтушунид харитаи роҳ оид ба омодагӣ ба сафари давлатии Президенти Ҷумҳурии Қазоқистон Қосим-Жомарт Токаев ба Ҷумҳурии Тоҷикистон дар соли 2024 мувофиқа шуд.
АКС: АМИТ «Ховар»
Сафири Тоҷикистон бо директори генералии Агентии танзимкунандаи фаъолияти хайриявии Давлати Қатар мулоқот намуд
Дар Теҳрон иҷрои тавофуқоти дуҷониба байни Тоҷикистон ва Эрон баррасӣ гардид
Сафири Тоҷикистон бо Раиси Федератсияи палатаҳои тиҷоратии Арабистони Саудӣ мулоқот намуд
Президенти Ҷумҳурии Исломии Покистон бо Сафири Тоҷикистон мулоқот намуд
Давлатшоҳ Гулмаҳмадзода дар мулоқоти Вазири корҳои хориҷии Русия бо сафирони кишварҳои аъзои Иттиҳоди Давлатҳои Мустақил иштирок кард
Вазири корҳои хориҷии Тоҷикистон бо фиристодаи махсуси Иттиҳоди Аврупо оид ба Афғонистон мулоқот намуд
Дар Тошканд нишасти Шурои ҳамоҳангсозони миллӣ оид ба вохӯриҳои машваратии сарони давлатҳои Осиёи Марказӣ доир шуд
Сироҷиддин Муҳриддин бо мушовири махсуси Сарвазири Ҷопон мулоқот намуд
Вазири меҳнат, муҳоҷират ва шуғли аҳолии Тоҷикистон бо раис ва мудири иҷроияи Ширкати захираҳои инсонии «ARCO» мулоқот намуд
Намояндаи доимии Тоҷикистон дар ҳамоиш бахшида ба ташаббуси СММ «Огоҳии бармаҳал барои ҳама» иштирок намуд
Шуруъ аз 3 феврал байни Тоҷикистон ва Эрон қоидаҳои нав дар низоми бераводид амалӣ мегарданд
Тақвияти ҳамкории бисёрҷонибаи Тоҷикистон бо Барномаи Созмони Милали Муттаҳид оид ба сукунат баррасӣ гардид
