Дар натиҷаи бориши зиёд дар Бразилия тақрибан 600 нафар бесарпаноҳ монданд
ДУШАНБЕ, 16.01.2024 /АМИТ «Ховар»/. Боронҳои рекордии рӯзҳои истироҳатии гузашта дар маҳалҳои шимолии Рио-де-Жанейро тақрибан 600 нафарро бесарпаноҳ гузоштанд. Дар ин хусус дар нишасти матбуотии рӯзи душанбе ҳокими иёлати Рио-де-Жанейро Клаудиу Кастру хабар дод, иттилоъ медиҳад АМИТ «Ховар» бо истинод ба агентии иттилоотии ТАСС.
«Дар се маҳаллаи аҳолинишин қариб 600 нафар хонаҳои худро, ки бар асари обхезӣ хароб шуда буданд, аз даст доданд ва барқарор намудани онҳо ғайриимкон мебошад», — иброз намуд Клаудиу Кастру.
Тибқи иттилои ҳоким, барои бартараф намудани оқибатҳои офати табиӣ беш аз 2,4 ҳазор наҷотдиҳанда фаъолият дошта, зарардидагонро дар марказҳои муваққатии ҷойгиршавӣ бо ашёи мавриди ниёзи аввал таъмин намудаанд.
Тибқи маълумоти наҷотдиҳандагон, шумораи ҳалокшудагони офати табиӣ ба 12 нафар расида, 3 нафар бедарак ҳисобида мешавад ва ҷустуҷӯи онҳо идома дорад.
Ҳавои ғайримуқаррарӣ нақшаҳои созмондиҳандагони карнавали машҳури ҷаҳонро низ халалдор намуд. Лигаи мактабҳои самбо дар Рио-де-Жанейро бо сабаби вазъи кунунӣ тамринҳои ин намоишро бекор намуд. Санаҳои нав ба таври иловагӣ эълон мешаванд.
Азиза ИКРОМ,
АМИТ «Ховар»
АКС аз манбаъҳои боз
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Имрӯз дар ноҳияҳои алоҳидаи кӯҳии Тоҷикистон барф меборад
