НИШАСТИ МАТБУОТӢ. Зиёда аз 80 тонна маҳсулоти пастсифат аз нуқтаҳои назорати сарҳадӣ бозпас гардонида шуд
ДУШАНБЕ, 31.01.2024 /АМИТ «Ховар»/. Соли 2023 зимни санҷиши мутахассисони озмоишгоҳҳои таъмини бехатарии озуқаворӣ дар бозорҳои истеъмолии ҷумҳурӣ 52,3 тонна маҳсулоти гӯштӣ, 10 тонна маҳсулоти ширӣ, 2,1 тонна равғани растанӣ, 31 ҳазору 245 дона тухми паранда, 829 кг моҳӣ, 528 кг асал, 7 ҳазору 347 кг маҳсулоти намакин, 6 ҳазору 590 кг меваи хушк, 163 ҳазору 201 кг меваю сабзавот ва 15,3 тонна полезиҳо ҳамчун маҳсулоти бесифат ва хавфнок муайян шуда, аз фурӯш манъ ва нобуд шуданд. Дар ин хусус имрӯз зимни нишасти матбуотӣ Раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода ба хабарнигорон маълумот дод.
Таъкид гардид, ки дар ин давра дар нуқтаҳои назорати сарҳадӣ 38 ҳазору 369 кг панир, 21 тонна мандарин ва 60 тонна картошкаи хӯрокворӣ, ки ба ҷумҳурӣ ворид мешуд, ҳамчун маҳсулоти пастсифат бозпас гардонида шуд.
Инчунин дар нишаст гуфта шуд, ки барои риоя нанамудани талаботи зотпарварӣ нисбат ба шахсони воқеӣ ва ҳуқуқӣ 12 парвандаи ҳуқуқвайронкунии маъмурии Ҷумҳурии Тоҷикистон тартиб дода шуда, ба маблағи 16 ҳазору 320 сомонӣ ҷарима ба буҷети ҷумҳурӣ ворид гардид.
Дар нишаст иброз гардид, ки аз ҷониби Кумитаи бехатарии озуқавории назди Ҳукумати Ҷумҳурии Тоҷикистон 22 маркази ташхиси бехатарии озуқаворӣ дар вилоятҳо ва шаҳру ноҳияҳо ва 65 озмоишгоҳ дар бозорҳои истеъмолӣ мунтазам фаъолият намуда, бо лавозимот, таҷҳизот ва реактивҳои зарурӣ таъмин шудаанд.
Раъно НУСРАТУЛЛО,
АМИТ «Ховар»
АКС: АМИТ «Ховар»
Дар Душанбе интиқолдиҳандаи маводи мухаддир бо 31 кг “ҳашиш” боздошт ва ба 13 соли зиндон маҳкум шуд
Кӯшиши интиқоли ғайриқонунии маводи нашъаовар дар сарҳади ҷанубии Тоҷикистон пешгирӣ карда шуд
Дар конфронси байналмилалӣ масъалаи ташаккули дониши кӯдакон оид ба бехатарии ҳаракат дар роҳ баррасӣ мегардад
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
Юсуф Раҳмон дар ҷаласаи навбатии Кумитаи Котибони шуроҳои амнияти давлатҳои аъзои СААД ва Вохӯрии дуюми Котибони шуроҳои амнияти Осиёи Марказӣ-Русия иштирок намуд
Намояндаи Тоҷикистон дар ҷаласаи Кумитаи амнияти САҲА дар Вена иштирок намуд
