Тоҷикистон ҳамкориро бо Институти Гёте тақвият мебахшад
ДУШАНБЕ, 31.01.2024 /АМИТ «Ховар»/. Сафири Ҷумҳурии Тоҷикистон дар Олмон Имомуддин Сатторов бо мудири кулли Институти Гёте (Goethe-Institut) Йоҳаннес Эберт мулоқот намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Таҳкими омӯзиши забони олмонӣ дар Тоҷикистон, идомаи ҳамкории анъанавӣ бо муассисаҳои таълимии мамлакат ва такмили ихтисоси омӯзгорони соҳа бо мақсади рушди минбаъдаи раванди таълими забони олмонӣ мавриди баррасӣ қарор гирифтанд.
Ҷонибҳо ҳамчунин роҷеъ ба имконияти кушодани марказҳои забономӯзӣ ва имтиҳонсупории Институти Гёте дар яке аз марказҳои маъмурии вилоятҳои ҷумҳурӣ, ҳамзамон тақвияти фаъолияти марказҳои амалкунандаи омӯзиши забони олмонӣ дар шаҳру ноҳияҳои Тоҷикистон тавофуқ ҳосил намуданд.
Намояндагии дар шаҳри Тошканд қарордоштаи Институти Гёте ҳамчунин масъул барои Тоҷикистон мебошад.
Боиси тазаккур аст, ки шуруъ аз соли 2010 Маркази забономӯзии Душанбе (SLZ) ба ҳайси шарики расмии Институти Гёте дар Тошканд амал менамояд.
АКС: Вазорати корҳои хориҷии Ҷумҳурии Тоҷикистон
Ҳамкории фарҳангии Тоҷикистон ва Амороти Муттаҳидаи Араб дар самти мусиқии симфонӣ густариш меёбад
Сафири Тоҷикистон бо Президенти Форуми оби Корея мулоқот намуд
Раёсати Ҷумҳурии Тоҷикистон дар ИДМ дар соли 2025 ҷамъбаст гардид
Сафири Тоҷикистон бо раиси минтақаи Ҷаҳрои Давлати Кувайт мулоқот намуд
Дар Душанбе дурнамои рушди ҳамкории судманди Тоҷикистон ва сохторҳои Созмони Милали Муттаҳид баррасӣ гардид
Сафири Тоҷикистон дар Фаронса нусхаи эътимоднома супорид
Ҳамкории Тоҷикистон ва Кувайт дар соҳаҳои синамо ва авиатсия густариш меёбад
Дар Вена муносибатҳои гуногунҷанба ва судманди Тоҷикистон ва Австрия баррасӣ гардиданд
Эрон барои ҳамкории мутақобили судманд бо Тоҷикистон ва вилоятҳои он ибрози омодагӣ намуд
Дар шаҳри Вена ҳамкории Тоҷикистон ва Бунёди ОПЕК баррасӣ гардид
Вазорати корҳои хориҷии Ҷумҳурии Тоҷикистон барои ишғоли мансабҳои холӣ озмун эълон менамояд
Намояндаи Тоҷикистон бо котиби иҷроияи Созмони паймони манъи ҳамагонии озмоиши силоҳи ҳаставӣ мулоқот намуд
