«ҲАДАФҲОИ ТАРБИЯВИИ ПАЁМИ ПРЕЗИДЕНТ». Таҳти ин унвон дар Донишгоҳи давлатии Хоруғ маҳфили тарбиявӣ баргузор шуд

ДУШАНБЕ, 15.02.2024 /АМИТ «Ховар»/. Дар Донишгоҳи давлатии Хоруғ ба номи Моёншо Назаршоев бо мақсади таъмини иҷрои нишондиҳандаҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон  «Дар бораи самтҳои асосии сиёсати дохилӣ ва хориҷии ҷумҳурӣ»   таҳти унвони «Ҳадафҳои тарбиявии Паёми Президент» байни донишҷӯён маҳфили тарбиявӣ баргузор гардид. Дар ин хусус АМИТ «Ховар» бо истинод ба ин донишгоҳ хабар медиҳад.

Зимни маҳфили тарбиявӣ устодон доир ба масъалаҳои вобаста ба Паёми Президенти Ҷумҳурии Тоҷикистон ба Маҷлиси Олӣ, тарбияи ватандӯстӣ, баланд бардоштани ҳувияти миллӣ, маърифати сиёсиву ҳуқуқӣ, ташаккули тарзи ҳаёти солим, пешгирии ҷинояткорию қонуншиканӣ, оворагардию кирдорҳои зиддиахлокӣ, пешгирии фарҳанги бегона ва иштироки ҷавонон дар пешбурди ҳаёти ҷамъиятӣ ибрози андеша намуданд.

Воқеан ҳам баргузор намудани чунин маҳфилҳои тарбиявӣ байни донишҷӯён дар самти баланд бардоштани ҳисси ватандӯстӣ ва худшиносии миллии насли ҷавони ҷомеа иқдоми наҷиб буда, ба фаҳмишу афкори ҷавонон таъсири мусбат мерасонад.

Дар анҷоми ҳамоиш бо мақсади баланд бардоштани савияи дониш ва ҳавасманд намудани донишҷӯён ба илмомӯзӣ аз тарафи устодони факултети филологияи тоҷик латифаю чистонгӯӣ ва викторина баргузор гардид.

АКС: Донишгоҳи давлатии Хоруғ ба номи Моёншо  Назаршоев