Ансамбли «Наво»-и Донишгоҳи давлатии Кӯлоб бахшида ба Рӯзи Артиши миллӣ барномаи рангини консертиро пешниҳод намуд
ДУШАНБЕ, 23.02.2024 /АМИТ «Ховар»/. «Шукуҳу шуҳратат бодо муборак, Артиши миллӣ!»-таҳти ин унвон дар Донишгоҳи давлатии Кӯлоб ба номи Абуабдуллоҳи Рӯдакӣ ба шарафи 31-солагии таъсиси Қувваҳои Мусаллаҳи Ҷумҳурии Тоҷикистон ҳамоиши бошукуҳи фарҳангӣ-фароғатӣ баргузор гардид. Тавре ба АМИТ «Ховар» дар ин донишгоҳ хабар доданд, дар ҳамоиш собиқадорони Қувваҳои Мусаллаҳ ва мақомоти ҳифзи ҳуқуқ, омӯзгорону кормандон ва донишҷӯён иштирок намуданд.
Ректори донишгоҳ Дилшод Раҳмон иброз намуд, ки ҷавҳари аслии Артиши миллии Тоҷикистонро ватандӯстиву садоқат, ҷавонмардиву ҷасорат, қаҳрамониву шуҷоат ва фидокориву матонат ташкил медиҳад.
«Ойинаи таърихи миллат мунъакиси ин воқеият аст, ки Артиши миллии мо дар вазъи ниҳоят мураккаби сиёсӣ бо сарварии Сарфармондеҳи Олии Қувваҳои Мусаллаҳи Ҷумҳурии Тоҷикистон, Роҳбари сулҳҷӯю ваҳдатгаро муҳтарам Эмомалӣ Раҳмон ва бо итминони қавӣ ба азму иродаи мардуми ҷумҳурӣ созмон дода шуд. Бо ташкили ин сипари боэътимоди давлатдорӣ зери ливои иттиҳоду сарҷамъӣ ва дар натиҷаи фаъолияти пурсамару заҳматҳои мушкилситез мо ба комёбиҳои бузурги иқтисодию иҷтимоӣ ва фарҳангию маънавӣ ноил шудем, ки арзишҳои фарҳангӣ ва ҳунарҳои мардумии халқи тоҷик ҳоло маълуми ҷаҳониён ҳастанд»,-илова намуд ректор.
Давлату Ҳукумат ва мардуми шарифи Тоҷикистон бо раҳнамоиии хирадмандонаву дастуроти созандаи муҳтарам Эмомалӣ Раҳмон фидокориву ҷонбозиҳои афсарону сарбозони шуҷои Ватанро ҳаргиз фаромӯш намекунанд. Хотираи неки ҷавонмардонеро, ки барои барқарор намудани сохти конститутсионӣ, пойдории сулҳу субот, ҳимояи марзу буми Ватан ҷон нисор кардаанд, ҳамеша чун дарси ватандориву вафодорӣ ва василаи ташвиқу тарбияи наслҳо пос медоранд.
Барномаи бошукуҳи фарҳангӣ-фароғатии ансамбли «Наво»-и донишгоҳ бо фарогирии суруду таронаҳои тараннумгари сулҳу дӯстӣ табъи ҳозиринро болида гардонид.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Дар солҳои соҳибистиқлолӣ дар Тоҷикистон 22 маротиба музди меҳнати кормандони соҳаи маориф зиёд карда шуд
Дар ноҳияи Фирдавсии шаҳри Душанбе Муассисаи таҳсилоти томактабии хусусии «Боғи Мурод» ифтитоҳ ёфт
Барои таҳқиқоти илмӣ то 35 ҳазор сомонӣ мукофотпулӣ муайян гардид
РУШДИ ТАҲСИЛОТИ ТОМАКТАБӢ. Давоми 7 соли охир дар Душанбе 22 кӯдакистон ба истифода дода шуд
Китобҳои дарсии синфҳои 8 ва 9 «Асосҳои давлат ва ҳуқуқи Ҷумҳурии Тоҷикистон» ба забони туркманӣ нашр шуданд
Дар ноҳияи Рашт оид ба иҷрои дастуру супоришҳои Сарвари давлат вобаста ба рушди соҳаи маориф вохӯрӣ доир шуд
35-СОЛАГИИ ИСТИҚЛОЛИ ДАВЛАТӢ. Дар Хуҷанд бинои иловагии муассисаи таълимӣ барои 1280 хонанда сохта мешавад
ЗИЁДШАВИИ МАОШИ ОМӮЗГОРОН АЗ ОНҲО ЭҲСОСИ МАСЪУЛИЯТИ ДУЧАНДРО ТАҚОЗО ДОРАД. Бардошт аз ҷаласаи Раёсати маорифи вилояти Хатлон
Президенти Тоҷикистон дастур доданд, ки ба омӯзиши забонҳои хориҷӣ диққати махсус дода шавад
Дар Душанбе бо иштироки 1048 хонанда даври шаҳрии олимпиадаи фаннӣ оғоз гардид
РУШДИ ИЛМУ МАОРИФ. Дар Донишгоҳи давлатии Хуҷанд конференсияи илмӣ-амалӣ баргузор шуд
Дар панҷ соли оянда дар ҳар маҳалли аҳолинишин, ки 100 оила зиндагӣ мекунад, бояд як муассисаи томактабӣ бунёд карда шавад
