Дар Консерваторияи миллии Тоҷикистон 44 шаҳрванди хориҷӣ таҳсил менамояд

Февраль 18, 2024 15:25

ДУШАНБЕ, 18.02.2024 /АМИТ «Ховар»/. Дар Консерваторияи миллии Тоҷикистон ба номи Талабхӯҷа Сатторов 44 шаҳрванди хориҷӣ аз Узбекистон, Кореяи Ҷанубӣ, Олмон, Федератсияи Русия ва Ҷумҳурии Мардумии Чин таҳсил менамоянд. Дар ин хусус 12 феврал зимни нишасти матбуотӣ ректори Консерваторияи миллии Тоҷикистон Миралӣ Достизода ба хабарнигорон иттилоъ дод.

Иброз гардид, ки дар давраи ҳисоботӣ дар Консерватория 377 донишҷӯ аз рӯйи 13 ихтисос бо низоми кредитӣ таҳсил менамоянд.

Миралӣ Достизода изҳор дошт, ки бахши тарбия ва эҷоди Консерватория самти асосии фаъолияти муассиса ба ҳисоб рафта, дар ин давра зиёда аз 60 барномаи фарҳангиву тарбиявӣ баргузор шуд.

Иттилоъ дода шуд, ки аз Консерватория шумораи зиёди донишҷӯён ва омӯзгорони ҷавони боистеъдод дар Озмуни ҷумҳуриявии «Тоҷикистон-Ватани азиз ман» иштирок намуда, сазовори ҷойҳои намоян гардиданд. Аз 25 иштирокчӣ дар даври ниҳоӣ 1 нафар соҳиби Шоҳҷоиза, 12 нафар ғолиби озмун ва 12 нафар соҳиби диплом гардиданд.

Шаҳлои САДРИДДИН,
АМИТ «Ховар»,

АКС: АМИТ «Ховар»

Февраль 18, 2024 15:25

Хабарҳои дигари ин бахш

РӮЗИ ИЛМИ ТОҶИК. Бахшида ба ин рӯз дар Академияи миллии илмҳои Тоҷикистон маҷлиси тантанавӣ баргузор мешавад
ҲАМ АДРАСУ ҲАМ ЧАКАН АЗ ОНИ МАНУ ТУСТ. Либоси миллӣ як ҷузъи фарҳанг буда, ифодагари назокату малоҳат ва дунёи рангини бонувони тоҷик аст
Дар Китобхонаи миллии Тоҷикистон Рӯзи дарҳои боз баргузор мешавад
ХАЛҚИ МОРО ДАФТАРИ АЙНӢ ШАҲОДАТНОМА ШУД. Ба ифтихори зодрӯзи Садриддин Айнӣ маҳфили адабӣ баргузор гардид
Дар Тоҷикистон Рӯзҳои синамои Узбекистон баргузор мегарданд
УФУҚҲОИ ДӮСТӢ. Дар Тоҷикистон консерти ботантанаи арбобони санъати Узбекистон баргузор мегардад
«ТОҶИКИСТОН-ВАТАНИ АЗИЗИ МАН». Дар Ҳисор даври шаҳрии озмуни ҷумҳуриявӣ баргузор гардид
ТАҚДИМИ «ШОҲНОМА» БА ҲАР ХОНАДОНИ ТОҶИКИСТОН. Ин пандномаи беназир аз ғояҳои ифтихори миллӣ ва эҳсоси бузурги ватандӯстӣ саршор аст
Директори Китобхонаи миллии Тоҷикистон бо намояндаи Донишкадаи миллии таҳқиқоти рушди алоқаи Русия мулоқот намуд
Дар Душанбе бахшида ба зодрӯзи Қаҳрамони Тоҷикистон Садриддин Айнӣ конференсияи илмӣ гузаронида шуд
«УМРИ АЙНӢ АЗ БАРОИ ХАЛҚ САРФИ ХОМА ШУД…». Садриддин Айнӣ тамоми умри бобаракаташро барои ҳамчун миллати қадимӣ эътироф гардидани тоҷикон сарф намудааст
ИМРӮЗ- ЗОДРӮЗИ САРДАФТАРИ АДАБИЁТИ МУОСИРИ ТОҶИК САДРИДДИН АЙНӢ. Нақши устод Айнӣ дар фарҳангнигории тоҷикӣ беназир аст