Дар шаҳри Норак даври шаҳрии Озмуни вилоятии ҳарбӣ-варзишии «Ватанпарвар» ҷамъбаст шуд

Февраль 15, 2024 18:41

НОРАК, 15.02.2024. /АМИТ «Ховар»/. Дар  майдони марказии шаҳри Норак  даври шаҳрии озмуни  вилоятии ҳарбӣ-варзишии «Ватанпарвар»  баргузор гардид. Ғолибон ва иштирокчиёни фаъоли озмун аз рӯйи бахшҳо бо диплом ва медал қадршиносӣ шуданд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Норак  иттилоъ доданд.

Дар озмун 18 гурӯҳ аз муассисаҳои таълимии шаҳр иштирок ва  ҳамаи шартҳои низомномаро бо навбат иҷро намуданд.

Озмун бо мақсади баланд бардоштани хештаншиносӣ, ҳувияти миллӣ, ватандӯстӣ, тақвият додани корҳои варзишӣ ва зиракиву тобоварӣ байни хонандагони муассисаҳои таълимии шаҳри Норак  гузаронида шуд.

Ёдовар мешавем, ки мусобиқаи ҳарбӣ-варзишии  «Ватанпарвар» ба 31-солагии Рӯзи таъсиси Қувваҳои Мусаллаҳи Ҷумҳурии Тоҷикистон бахшида шуда, ҳадафи он тақвият додани дӯстиву иттиҳод байни ҷавонон, аз худ намудани «Барномаи омодагии ибтидоии ҳарбӣ дар синфҳои болоӣ» ва омода намудани хонандагон ба дифои Ватан мебошад.

Зимни мусобиқа иброз гардид, ки баргузории чунин озмунҳо, ки моҳияти ватанпарастию ватандӯстӣ доранд, дар шароити тезутунд гардидани ҷомеаи ҷаҳонӣ хеле  муҳим ва бамаврид мебошад. Чунин озмунҳо барои омода намудани ҷавонон ба сафи Қувваҳои Мусаллаҳи Тоҷикистон нақши бағоят муассир доранд.

АКС: Мақомоти иҷроияи ҳокимияти давлатии шаҳри Норак 

Февраль 15, 2024 18:41

Хабарҳои дигари ин бахш

ЧАРО БАСТАНИ ТАСМАИ БЕХАТАРӢ ШАРТ АСТ? Истифодаи он кафолати бехатарии ҳам ронанда ва ҳам мусофир аст
Дар Бохтар лоиҳаи «Шаҳри бехатар» амалӣ мегардад
Дар Душанбе мулоқоти роҳбарони вазоратҳои корҳои дохилии Тоҷикистону Беларус баргузор гардид
4364 САДАМАҲОИ РОҲУ НАҚЛИЁТ ДАР 4 СОЛ. Чӣ тавр пеши роҳи ин ҳодисаҳои нохушро бигирем?
Тоҷикистон дар муборизаи муштарак ба муқобили ҷиноятҳои фаромиллӣ фаъолона иштирок мекунад
Дар Душанбе ҷаласаи роҳбарони мақомоти корҳои дохилии пойтахтҳои давлатҳои аъзои Иттиҳоди Давлатҳои Мустақил баргузор гардид
Дар Бӯстон вохӯрии навбатии гурӯҳҳои кории топографӣ ва гурӯҳҳои кории ҳайатҳои ҳукуматии Тоҷикистону Қирғизистон баргузор гардид
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Прокурори генералии Ҷумҳурии Тоҷикистон бо фаъолони вилояти Суғд вохӯрӣ намуд
Антониу Гутерриш: «Тоҷикистон дар масъалаи буҳрони Афғонистон шарики муҳими Созмони Милали Муттаҳид мебошад»
Президенти Тоҷикистон: «Дар фаъолияти Созмони ҳамкории Шанхай масъалаҳои амнияти минтақавӣ аввалиндараҷа боқӣ мемонанд»
ЭҲТИЁТ — НИМИ ҲАЁТ. Дар фасли тобистон зарфҳои нигаҳдории гази моеъро дар ҷойи соя ва дур аз гармӣ гузоред