ДАРАХТ БИНШОН! Дар Хатлон зиёда аз 1000 бех дарахти ҳамешасабз шинонида шуд
ДУШАНБЕ, 12.02.2024 /АМИТ «Ховар»/. Дар майдони «70-солагии водии Вахш»-и шаҳри Бохтар ва ноҳияи Кӯшониён маъракаи шинонидани дарахтони ҳамешасабз баргузор гардид, ки дар он зиёда аз 1000 бех дарахти ҳамешасабз шинонида шуд. Дар ин хусус ба АМИТ «Ховар» дар Мақомоти иҷроияи ҳокимияти давлатии вилояти Хатлон хабар доданд.
Иброз гардид, ки вазифаи ҳар сокини вилоят ин аст, ки дар тозагӣ ва ободии диёр саҳми назаррас гузошта, барои ҳифзи табиат камари ҳиммат бандад.
Масъулин ҷиҳати нигоҳдории дарахтони нодири ороишӣ, кишти алафҳои ҳамешасабз ва гулҳо дар майдони «70-солагии водии Вахш», аз ҷумла то 100 ҳазор адад лолаи хушранг ва вусъат додани корҳои хуррамгардонӣ дар маркази маъмурии вилоят вазифадор гардиданд.
Дар раванди ниҳолшинонӣ таваҷҷуҳи хосса ба интихоби навъҳои дарахту буттаҳо бо назардошти хусусияти зебоибахшиашон ба шаҳраку маҳаллаҳо ва риояи қоидаҳои дурусти агротехникӣ равона гардид, зеро риояи ин қоидаҳо асоси нашъунамои хуби минбаъдаи дарахтон мебошад.
АКС: Мақомоти иҷроияи ҳокимияти давлатии вилояти Хатлон
«КИШВАРИ САБЗ». Дар ин парваришгоҳ зиёда аз 100 намуди гулу буттаҳои нодир ва 40 намуди ниҳоли дарахтони ороишӣ парвариш мешавад
Пешвои миллат Эмомалӣ Раҳмон аз парваришгоҳи «Кишвари сабз» боздид намуданд
ЧАРО БАЪЗЕ АЗ НИҲОЛҲОИ ШИНОНИДАШУДА ХУШК МЕГАРДАНД? Ва ё барои пешгирии ин ҳолат чӣ бояд кард?
ДАРАХТ БИНШОН! Дар Ҳисор 400 ҳазор бех ниҳоли ороишӣ, ҳамешасабз ва мевадиҳандаю сояафкан шинонида мешавад
ДАРАХТ БИНШОН! Дар шаҳри Хуҷанд ниҳолшинонӣ вусъат меёбад
Дар вилояти Суғд бо истифодаи таҷрибаи пешқадам боғҳои интенсивӣ бунёд карда мешаванд
«КАМАРБАНДИ САБЗ». Дар шафати роҳҳои мошингарди Тоҷикистон беш аз 15 ҳазор бех ниҳол шинонида шуд
ДАРАХТ БИНШОН! Дар ноҳияи Исмоилӣ Сомонӣ 840 бех дарахтони ҳамешасабз шинонида шуданд
Дар ноҳияи Фирдавсии шаҳри Душанбе беш 300 бех ниҳоли дарахтони ҳамешасабз шинонида шуд
ҲАРАКАТИ ҶУМҲУРИЯВИИ НИҲОЛШИНОНӢ. Дар вилояти Хатлон беш аз 401 ҳазор бех ниҳол шинонида шуд
НИШАСТИ МАТБУОТӢ. Чаро дар шаҳри Норак ҳамасола ниҳолҳои шинонидашуда хушк мегарданд?
ҲАРАКАТИ ҶУМҲУРИЯВИИ НИҲОЛШИНОНӢ. Дар Гулистон 9 ҳазор бех ниҳоли дарахтони ҳамешасабзу ороишӣ шинонида мешавад
