Дастаи футзали Тоҷикистон бо тимҳои миллии Арабистони Саудӣ ва Узбекистон бозиҳои дӯстона анҷом медиҳад
ДУШАНБЕ, 19.02.2024 /АМИТ «Ховар»/. Дастаи мунтахаби футзали Тоҷикистон дар доираи омодагӣ ба қисми ниҳоии Ҷоми Осиё-2024 бо тимҳои миллии Арабистони Саудӣ ва Узбекистон бозиҳои дӯстона анҷом медиҳад. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Дастаи мунтахаби футзали Тоҷикистон аз 14 феврал то 2 март дар Ҷидда ҷамъомади таълимиву тамринӣ баргузор намуда, бо тими миллии Арабистони Саудӣ ду бозии дӯстона анҷом медиҳад. Ин вохӯриҳо 26 ва 28 феврал баргузор мешаванд.
Тими миллии футзали Тоҷикистон пас аз анҷоми ҷамъомад дар Арабистони Саудӣ ҷиҳати анҷоми ду бозии санҷишӣ бо дастаи мунтахаби Узбекистон (4 ва 5 март) ба Тошканд сафар менамояд.
Аввали моҳи феврал футзалбозони Тоҷикистон бо тими миллии Кувайт ду рақобати санҷишӣ (3:3, 2:4) доир намуданд.
Бояд таъкид намоем, ки дар Ҷоми Осиё-2024, ки аз 17 то 28 апрел дар Тайиланд баргузор мешавад, дастаи мунтахаби Тоҷикистон дар гурӯҳи «С» бо дастаҳои Кореяи Ҷанубӣ (18 апрел), Қирғизистон (20 апрел) ва Ҷопон (22 апрел) неру месанҷад.
Бозиҳои дӯстона
26 феврал (душанбе)
Арабистони Саудӣ – ТОҶИКИСТОН
Ҷидда, Арабистони Саудӣ
28 феврал (чоршанбе)
Арабистони Саудӣ – ТОҶИКИСТОН
Ҷидда, Арабистони Саудӣ
4 март (душанбе)
Узбекистон – ТОҶИКИСТОН
Тошканд, Узбекистон
5 март (сешанбе)
Узбекистон – ТОҶИКИСТОН
Тошканд, Узбекистон
АКС: Федератсияи футболи Тоҷикистон
БОЗИИ РӮЗ! Имрӯз бозии ниҳоии марҳилаи интихобии Ҷоми Осиё-2027 байни Тоҷикистон ва Филиппин доир мегардад
Гурӯҳи доварон аз Тоҷикистон бозии дастаҳои Сурия ва Афғонистонро ҳакамӣ мекунад
ҶОМИ ОСИЁ-2027. Пагоҳ бозии даври 6-уми марҳилаи интихобӣ байни дастаҳои мунтахаби Тоҷикистон ва Филиппин доир мешавад
Дастаи мунтахаби Тоҷикистон дар Чемпионати Осиё оид ба ҷудо дар Чин иштирок мекунад
Дар Бадахшон беҳтаринҳо дар гӯштин, волейбол ва дави наврӯзӣ муайян гардиданд
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
35 медали паралимпичиёни тоҷик бахшида ба 35-солагии Истиқлоли давлатӣ дар Фестивали байналмилалӣ дар шаҳри Сочии Русия
МУСОБИҚАИ АСПДАВОНӢ. Ин бозии миллӣ аз ҷумлаи расму ойинҳои Наврӯз аст
Дастаи мунтахаби олимпии Тоҷикистон (U-23) аввалин пирӯзиашро дар мусобиқаи байналмилалӣ дар Ҳиндустон ба даст овард
Дастаи мунтахаби наврасони Тоҷикистон (U-17) бо дастаи Чин бозиҳои дӯстона анҷом дод
Мадина Қурбонзода ва Абубакр Шеров соҳиби шоҳҷоизаҳои Мусобиқаи гӯштини миллӣ (гӯштингирӣ) дар ноҳияи Данғара шуданд
Мутахассиси беларусӣ ба ситоди мураббиёни дастаи мунтахаби Тоҷикистон оид ба футбол ҳамроҳ шуд
