Донишгоҳи давлатии Хуҷанд бо 18 донишгоҳу донишкада ва муассисаву ташкилоти байналмилалӣ шартномаи ҳамкорӣ ба имзо расонид
ДУШАНБЕ, 05.02.2024 /АМИТ «Ховар»/. Соли 2023 таъсиси кафедраҳои филология ва методикаи таълими он, забоншиносӣ ва типологияи муқоисавӣ, 7 ихтисоси наву замонавӣ дар зинаи бакалавр ва ихтисоси «Молия ва қарз» дар зинаи магистратура аз тадбирҳои судманд ба ҳисоб меравад, — иброз намуд ректори Донишгоҳи давлатии Хуҷанд ба номи академик Бобоҷон Ғафуров зимни нишасти матбуотӣ.
Дар ин давра дар ихтисосҳои таърих ва ҳуқуқ, информатика, математикаи амалӣ, математика, таҳсилоти ибтидоӣ ва системаҳои бисёршабакавии телекоммуникатсионӣ гурӯҳҳои таҳсилашон бо забони русӣ ва дар ихтисоси баҳисобгирии муҳосибӣ, таҳлил ва аудит гурӯҳҳои таҳсилашон бо забони англисӣ таъсис дода шуданд, ки аз дастовардҳои муҳим мебошад.
Дастоварди назарраси донишгоҳ дар самти илм дифои 38 рисолаи номзадӣ ва 2 рисолаи докторӣ маҳсуб мешавад.
Инчунин дар нишаст гуфта шуд, ки соли 2023 донишгоҳ бо 18 донишгоҳу донишкада ва муассисаву ташкилоти байналмилалӣ шартномаи ҳамкорӣ ба имзо расонид. Дар маҷмуъ, Донишгоҳи давлатии Хуҷанд бо беш аз 110 донишгоҳу донишкада ва муассисаву ташкилоти байналмилалӣ шартномаи ҳамкорӣ дорад.
АКС: Донишгоҳи давлатии Хуҷанд ба номи академик Бобоҷон Ғафуров
Байни Донишгоҳи байналмилалии сайёҳӣ ва соҳибкории Тоҷикистон ва MERI Centre for International Studies Ёддошти тафоҳум ба имзо расид
МАОРИФ — САРМОЯИ МИЛЛАТ. Дар ҳошияи суханронии Президенти Тоҷикистон муҳтарам Эмомалӣ Раҳмон ба муносибати Рӯзи дониш
35 СОЛИ ИСТИҚЛОЛ. Донишгоҳи давлатии омӯзгории Тоҷикистон ба талаботи асри технология мутобиқ гардидааст
Дар Донишгоҳи давлатии Кӯлоб ба ифтихори 35-солагии Истиқлоли давлатӣ ҳамоиши тантанавӣ доир шуд
Байни Донишгоҳи байналмилалии забонҳои хориҷии Тоҷикистон ва Донишгоҳи Вестминстер Ёддошти тафоҳум ба имзо расид
Кормандони Донишгоҳи миллии Тоҷикистон бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
