Хамкории Академияи миллии илмҳои Тоҷикистон бо муассисаҳои илмию технологии Арабистони Саудӣ густариш меёбад
ДУШАНБЕ, 10.02.2024 /АМИТ «Ховар»/. Президенти Академияи миллии илмҳои Тоҷикистон Қобилҷон Хушвахтзода бо Сафири Фавқулода ва Мухтори Шоҳигарии Арабистони Саудӣ дар Ҷумҳурии Тоҷикистон Валид ибни Абдураҳмон ар-Решайдон дар Душанбе мулоқот намуд. Дар ин хусус АМИТ «Ховар» бо истинод ба Академияи миллии илмҳои Тоҷикистон хабар медиҳад.
Дар мулоқот дар робита ба ҳамкории илмии дуҷониба ва самтҳои афзалиятноки фаъолияти илмии Академияи миллии илмҳои Тоҷикистон маълумоти мушаххас дод шуд. Ҷонибҳо ҳавасмандиашонро барои тавсеи ҳамкорӣ дар ин самт иброз намуданд. Таъкид шуд, ки минбаъд низ ҳамкорӣ дар самтҳои гуногуни илму таҳқиқот ба сатҳи сифатан нав бароварда мешавад.
Валид ибни Абдураҳмон ар-Решайдон амалӣ намудани ҳамкории судманди дуҷонибаро бо Шаҳраки Малик ибн Абдулазиз оид ба илм ва технология (Парки илмӣ-технологӣ), Донишгоҳи Шоҳ Абдуллоҳ ва Маҷмааи омӯзиши забони арабии Шоҳ Салмон бо Академияи миллии илмҳои Тоҷикистон пешниҳод намуд.
Президенти Академияи миллии илмҳои Тоҷикистон Қобилҷон Хушвахтзода барои ҳамкории мутақобилан манфиатбахш дар ин самт изҳори омодагӣ намуд.
Таъкид гардид, ки сатҳи ҳамкории илмии дуҷониба бо назардошти имконияти васеи ҳамкорӣ қаноатбахш нест. Аз ин рӯ он зарурати тавсеа ва тақвияти бештарро талаб менамояд. Изҳор гардид, ки лоиҳаи санадҳои ҳамкорӣ бо муассисаҳои илмии Шоҳигарии Арабистони Саудӣ таҳия шудааст ва дар марҳилаи мувофиқасозӣ қарор дорад.
Қобилҷон Хушвахтзода пешниҳод намуд, ки ҳамкории олимони тоҷик бо ҳамтоёни арабӣ дар самти илмҳои табиӣ, риёзӣ ва дақиқ низ инкишоф дода шавад.
АКС: Академияи миллии илмҳои Тоҷикистон
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
Филми «Дар талоши ҳақиқат» аввалин маротиба дар синамоҷашнвораи «Дебют»-и Амрико иштирок мекунад
Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад
Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
«ҲУНАР ОМӮЗ…». Дар ин озмун беҳтарин даврии чакан ба намоиш гузошта шуд
Меҳмонон аз Ҷумҳурии Мардумии Чин Осорхонаи миллии Тоҷикистонро тамошо карданд
Дар Муассисаи давлатии «Боғи Ирам»-и шаҳри Душанбе даврии ниҳоии Озмуни ҷумҳуриявии «Ҳунар омӯз…» оғоз шуд
РОҲИ НАВИ ДӮСТИИ НАСЛҲО. Таҳти чунин унвон дар Душанбе ҳамоиши табодули гуманитарии Тоҷикистону Чин доир гардид
Дар ҷамъбасти даври шаҳрии Озмуни ҷумҳуриявии «Тоҷикистон — Ватани азизи ман» дар Ҳисор 44 нафар ғолиб шуданд
