Ихтироъкорони тоҷик дар Намоишгоҳи 14-уми байналмилалии ихтироъкорӣ дар Ховари Миёна дар Кувайт иштирок доранд
ДУШАНБЕ, 06.02.2024 /АМИТ «Ховар»/. Аз 4 то 7 феврал дар Давлати Кувайт таҳти унвони «Онҷое, ки сармоягузорон бо ихтироъкорон бо ҳам дидор менамоянд» Намоишгоҳи 14-уми байналмилалии ихтироъкорӣ дар Ховари Миёна мегузарад, ки дар он ихтироъкорону олимони тоҷик низ иштирок доранд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Давлати Кувайт хабар медиҳад.
Дар намоишгоҳи сатҳи баланд дар қатори 33 давлати хориҷӣ 10 олиму профессор ва ихтироъкори ҷавон аз донишгоҳҳо ва мактабҳои олии Ҷумҳурии Тоҷикистон иштирок намуда, ихтирооташонро ба маърази тамошо гузоштаанд.
5 феврал маросими ифтитоҳи расмии намоишгоҳ бо иштироки вазири таҳсилоти олӣ ва пажуҳиши илмии Давлати Кувайт доктор Одил ал-Удвонӣ, намояндагони марказҳои илмӣ-таҳқиқотии Кувайт ва аъзои корпуси дипломатии муқими кишвари иқомат бо ҳузури васеи намояндагони воситаҳои ахбори оммаи кувайтӣ баргузор шуд.
Зимни шиносоӣ бо фаъолияти иштирокчиён вазири таҳсилоти олӣ ва пажуҳиши илмии Давлати Кувайт доктор Одил ал-Удвонӣ павилиони Тоҷикистонро тамошо намуда, ба навовариҳои илмии ихтироъкорони тоҷик баҳои баланд дод.
Бояд тазаккур дод, ки фаъолияти намоишгоҳ то 7 феврал идома ёфта, дар интиҳо иштирокчиёнро ҷоизаҳо интизор мебошанд.
АКС: Вазорати корҳои хориҷии Ҷумҳурии Тоҷикистон
Тоҷикистон ва Узбекистон ҳамкориро дар соҳаи кишоварзӣ густариш медиҳанд
ТАВСИЯИ МУТАХАССИС. Масъулин бояд тухмиҳои хубтарину омехтаи ояндадорро мувофиқи нишондоду талаботи истеҳсолот парвариш кунанд
Дар Неругоҳи барқи обии «Роғун» масолеҳи сохтмонии баландсифат истифода мешавад
Коршиносони Кореяи Ҷанубӣ бо истеҳсолот ва дарсҳои амалӣ дар корхонаи «Гулистони Душанбе» шинос шуданд
Вазири энергетикаи Тоҷикистон дар Форуми сармоягузории гузариши энергетикӣ барои Осиёи Марказӣ дар Боку иштирок намуд
Ҳушдори Бонки миллии Тоҷикистон ба шаҳрвандон: «Ҳангоми муомилот бо пули нақд эҳтиёткор бошед!»
Намояндаи Тоҷикистон дар ҷаласаи Кумитаи роҳбарикунандаи байниҳукуматии пешсафии глобалӣ оид ба обанборҳои насосӣ иштирок намуд
Вазири энергетика ва захираҳои оби Тоҷикистон дар Муколамаи сатҳи баланд иштирок намуд
Ҳайати Тоҷикистон дар конфронси минтақавӣ оид ба маблағгузории хатари офатҳои табиӣ ва суғурта дар Осиёи Марказӣ иштирок намуд
Дар Душанбе татбиқи лоиҳаҳои Бонки Осиёии рушд баррасӣ гардид
Дар шаҳри Хоруғ намоиш-фурӯши маҳсулоти кишоварзӣ баргузор гардид
Аз вилояти Хатлон зиёда аз 40 намуд маҳсулот содирот мешавад
