Кишоварзони хоҷагиҳои деҳқонӣ дар Панҷакент ба кишти картошкаи барвақтӣ шуруъ намуданд
ДУШАНБЕ, 15.02.2024 /АМИТ «Ховар»/. Кишоварзони хоҷагиҳои деҳқонии ҷамоатҳои деҳоти Чинор ва Саразми Панҷакент ба кишти картошкаи барвақтӣ шуруъ намуданд, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент.
Деҳқонон азм намудаанд, ки аз кишти картошкаи барвақтӣ ҳосили хуб гирифта, баъди ҷамъоварии ҳосил дар ин заминҳо кишти такрории зироати дигар гузаронанд. Дар хоҷагиҳои деҳқонии Ҷамоати деҳоти Чинор ба хотири ҳифз аз сардиҳои аввали баҳор кишти картошка бо усули зери плёнка гузаронида мешавад.
Раиси шаҳри Панҷакент бо ҷараёни картошкашинонӣ ва омода намудани майдонҳои кишт шинос шуда, ба деҳқонон барор орзу намуд, ҷиҳати дар муҳлати мувофиқ ва бо риояи талаботи агротехникӣ кишту парвариш намудани картошка дастур дод.
Дар ин рӯз ҳамчунин бо иштироки раисони ҷамоатҳои деҳот, сарварони хоҷагиҳои деҳқонӣ, мутахассисон ҷаласа баргузор шуда, зимни он масоили марбут ба кишти картошка, дигар зироат, пурра омода намудани замин ва тухмӣ, инчунин иншооти обёрӣ ба кишти баҳорӣ мавриди баррасӣ қарор дода шуд.
Деҳқонони Панҷакент тасмим гирифтаанд, ки имсол дар ҳамаи шаклҳои хоҷагидорӣ дар майдони 4500 гектар кишт гузаронанд, аз ҷумла дар 250 гектар картошкаи барвақтӣ шинонанд.
АКС: Мақомоти иҷроияи ҳокимияти давлатии шаҳри Панҷакент
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
