Консерваторияи миллии Тоҷикистон дар озмуни «Китобхонаи беҳтарин» сазовори ҷойи намоён гардид
ДУШАНБЕ, 14.02.2024 /АМИТ «Ховар»/. Китобхонаи Консерваторияи миллии Тоҷикистон ба номи Талабхӯҷа Сатторов аз рӯйи номинатсияи «Китобхонаи беҳтарини илмӣ-соҳавӣ» дар даври ноҳиявии Озмуни шаҳрии «Китобхонаи беҳтарин» сазовори ҷойи дуюм гардида, бо Диплом ва мукофотпулӣ сарфароз гардонида шуд. Дар ин хусус АМИТ «Ховар» бо истинод ба Консерваторияи миллии Тоҷикистон хабар медиҳад.
Имрӯз дар Консерваторияи миллии Тоҷикистон маросими ҷоизасупорӣ ба ғолибони даври ноҳиявии Озмуни шаҳрии «Китобхонаи беҳтарин» дар ноҳияи Шоҳмансури шаҳри Душанбе доир гардид.
Дар маросим иброз гардид, ки ин озмун бо қарори Раиси шаҳри Душанбе аз 20 апрели соли 2021 ташкил гардида, аз рӯйи 4 номинатсия гузаронида мешавад. Имсол дар озмун беш аз 48 китобхонаи муассиса ва ташкилоту идораҳои ноҳияи Шоҳмансур иштирок намуданд.
Ёдовар мешавем, ки имсол хазинаи китобҳои Консерватория ғанӣ гардид. Ба он аз тарафи Вазорати фарҳанги Ҷумҳурии Тоҷикистон 17 намуд маводи таълимӣ туҳфа шуд, ки дар байни онҳо китобҳои дарсӣ, маводи нотавӣ аз рӯйи ҳамаи ихтисосҳои таълимӣ, хрестоматияҳо барои донишҷӯён ва дигар маводи таълимии соҳаи мусиқӣ мавҷуд буд.
АКС: Консерваторияи миллии Тоҷикистон ба номи Талабхӯҷа Сатторов
Дар шаҳри Душанбе ҷашни Меҳргон таҷлил мегардад
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
