НИШАСТИ МАТБУОТӢ. Дар Донишгоҳи давлатии Бохтар музди меҳнати ҳамаи кормандон 10 фоиз зиёд гардид

Февраль 6, 2024 18:43

ДУШАНБЕ, 06.02.2024 /АМИТ «Ховар»/. Бо мақсади пайравӣ ба  сиёсати иҷтимоии дурандешонаи Пешвои миллат муҳтарам Эмомалӣ Раҳмон раёсати Донишгоҳи давлатии Бохтар ба номи Носири Хусрав аз 1 январи соли 2024 музди меҳнати ҳамаи кормандони донишгоҳро ба миқдори  10 фоиз зиёд намуд. Ин матлабро зимни нишасти матбуотӣ   ректори донишгоҳ Маҳмадалӣ Қурбонзода баён намуд.

Мувофиқи раддабандии Агентии давлатии назорат дар соҳаи маорифи Тоҷикистон, соли 2023 Донишгоҳи давлатии Бохтар дар байни муассисаҳои таҳсилоти олии касбӣ ҷойи 8-умро ишғол намуда, ба даҳгонаи мактабҳои олии беҳтарини ҷумҳурӣ шомил гардид.

Гуфта шуд, ки ҳоло дар 43 кафедраи донишгоҳ 631 омӯзгор, аз ҷумла 28 доктори илм, 170 номзади илм, 27 саромӯзгор ва 444 ассистент ба пешбурди фаъолияти илмӣ-таҳқиқотӣ ҷалб гардидаанд. Ҳиссаи омӯзгорони унвондор 32,2% фоизро ташкил дода, нисбат ба ҳамин давраи ҳисоботии соли 2023 шумораи омӯзгорони унвондор 2,2 фоиз зиёд гардид.

Шумораи донишҷӯён дар донишгоҳ 20 414 нафарро ташкил дода, 9475 нафарашон духтарон мебошанд.

Дар донишгоҳ 130 шаҳрванди хориҷӣ, аз ҷумла 1 нафар  дар шуъбаи рӯзона, 127 нафар дар таҳсилоти фосилавӣ ва 2 нафар дар зинаҳои магистратура ва докторантура аз рӯйи ихтисос таҳсил менамоянд. Ин донишҷӯён аз Узбекистон, Афғонистон ва Федератсияи Русия мебошанд.

АКС:  Донишгоҳи давлатии Бохтар ба номи Носири Хусрав

Февраль 6, 2024 18:43

Хабарҳои дигари ин бахш

Дар Тоҷикистон то соли 2027 фарогирии кӯдакон ба таҳсили томактабӣ ба 33 фоиз расонида мешавад
Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
Дар Тоҷикистон Барномаи давлатии омода намудани кадрҳои омӯзгорӣ таҳия карда мешавад
Омӯзгорону хонандагони шаҳри Роғун суханронии Президенти Тоҷикистонро ба муносибати Рӯзи дониш якҷоя тамошо намуданд
Эмомалӣ Раҳмон: «Дар 34 соли соҳибистиқлолӣ ба соҳаи маориф 73,6 миллиард сомонӣ маблағгузорӣ гардидааст»
ДОНИШ — ПОЯИ МУҲИМТАРИНИ РУШДИ ДАВЛАТ ВА МИЛЛАТ. Эҳдо ба Рӯзи дониш
Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд
Доир ба амалисозии барномаҳои давлатии марбут ба таҳсилоти томактабӣ ҷаласаи корӣ баргузор гардид
Дар Донишгоҳи техникии Тоҷикистон Чемпионати ҷаҳонии касбӣ баргузор гардид