НИШАСТИ МАТБУОТӢ. Дар шаҳри Норак мушкилии норасоии кӯдакистонҳо ҳанӯз ҳам бартараф нагардидааст
НОРАК, 09.02.2024. /АМИТ «Ховар»/. Бахшида ба Солҳои рушди саноат (2022-2026) ҷиҳати саноатикунонии шаҳри Норак соли 2023 аз тарафи соҳибкорони шаҳр корхонаи истеҳсоли хишти пухта, коргоҳи истеҳсоли орд ва марҳилаи дуюми фермаи парандапарварӣ мавриди истифода қарор дода шуданд. Соли 2023 дар корхонаҳои саноатии шаҳри Норак ба маблағи як миллиарду 884 миллиону 785 ҳазор сомонӣ маҳсулот истеҳсол гардидааст, ки нисбат ба ҳамин давраи соли гузашта 254,6 миллион сомонӣ зиёд мебошад. Чунин иттилоъ дода шуд ба хабарнигорон зимни нишасти матбуотии Мақомоти иҷроияи ҳокимияти давлатии шаҳри Норак.
Дар нишасти матбуотӣ гуфта шуд, ки дар шаҳри Норак ба ифтихори ҷашни бузурги 35-солагии Истиқлоли давлатӣ бунёд ва ба истифода додани 180 иншоот, аз ҷумлаи 8 бинои маъмурӣ, 8 муассисаи таълимӣ, 6 муассисаи табобатӣ, 5 майдончаи варзишӣ, 20 корхонаю коргоҳи саноатӣ ва 131 иншооти хизматрасонию сайёҳӣ ба нақша гирифта шудааст. То имрӯз зиёда аз 40 иншоот мавриди баҳрабардорӣ қарор дода шуда, дар иншооти боқимонда корҳои сохтмонию навсозӣ идома доранд.
Дар шаҳри Норак яке аз мушкилоти асосии соҳаи маориф норасоии муассисаҳои томактабӣ мебошад, ки тибқи ҳисоботи оморӣ, дар айни замон 301 кӯдак дар навбати гирифтани роҳхат ба кӯдакистонҳо қарор доранд.
Ҳоло дар шаҳр кӯдакистони №1 корношоям гардидааст, ки бояд аз нав барқарор шавад. Кӯдакистони №2-ро ба Литсеи давлатии “Нурбахш” табдил додаанд. Дар кӯдакистони №4, ки дар айни замон ба таъмири пурра ниёз дорад, мактаби мусиқӣ фаъолият менамояд. Кӯдакистони №7 барои 300 кӯдак пешбинӣ шудааст, вале, мутаассифона, дар он Маркази таълими калонсолон, шуғли аҳолӣ ва филиали Маркази касбомӯзии шаҳри Душанбе ҷойгир шудаанд.
Зимни нишасти матбуотии шаҳри Норак масъулин ба саволи хабарнигори АМИТ «Ховар» дар мавриди кай барқарор гардидани ин кӯдакистонҳо, ки метавонанд мушкилии 301 кӯдакро бартараф намоянд, посухи қонеъкунанда надоданд.
Субҳониддини МАҲМУД,
АМИТ «Ховар»
АКС: АМИТ «Ховар»
Дар Суди шаҳри Душанбе Рӯзи Модарро бошукуҳ ҷашн гирифтанд
Имрӯз дар Тоҷикистон ҳавои тағйирёбанда пешгӯӣ мешавад
Оид ба системаи мониторинги обии радиоактивӣ ва металлҳои вазнин дар Осиёи Марказӣ вохӯрии машваратӣ доир шуд
Имрӯз дар баъзе ноҳияҳои Тоҷикистон бориши борону барф дар назар аст
Дар партави ҳидоятҳои Пешвои миллат дар шаҳри Душанбе ба оилаҳои ниёзманд кумак расонида шуд
Имрӯз дар Тоҷикистон ҳавои тағйирёбанда дар назар аст
Дар Донишгоҳи техникии Тоҷикистон оид ба обҳои партов ва нӯшокӣ тренинги омӯзишӣ доир гардид
Дар Донишкадаи тарбияи ҷисмонии Тоҷикистон дар арафаи Рӯзи Модар занону духтарони фаъол ҳавасманд гардонида шуданд
Оид ба нақши занон дар рушди фарҳангу санъати тасвирӣ ҳамоиши идона баргузор шуд
SuperApp-и маъруф боз ҳам мувофиқтар гардид
Дар Донишкадаи энергетикии Тоҷикистон оид ба саҳми занон дар рушди энергетика ҳамоиш доир шуд
Имрӯз дар баъзе ноҳияҳои Тоҷикистон туман мефарояд
