НИШАСТИ МАТБУОТӢ. Ҳиссаи соҳаи нақлиёт дар Маҷмуи маҳсулоти дохилии Тоҷикистон беш аз 10,9 миллиард сомониро ташкил дод
ДУШАНБЕ, 08.02.2024 /АМИТ «Ховар»/. Тавассути ҳама гуна намуди нақлиёт соли 2023 дар мамлакат беш аз 120,5 миллион тонна бор интиқол дода шудааст. Дар ин хусус Вазири нақлиёти Тоҷикистон Азим Иброҳим имрӯз дар Душанбе дар нишасти матбуотӣ ба хабарнигорон иттилоъ дод.
Аз ҷумла, тавассути нақлиёти автомобилӣ беш аз 114 миллион тонна ва роҳи оҳан зиёда аз 6,4 миллион тонна бо гардиши умумии беш аз 12,2 миллиард тонна/ км ва қариб 900 миллион мусофир, аз ҷумла бо нақлиёти автомобилӣ 844 миллион мусофир, барқӣ- беш аз 21 миллион мусофир ва роҳи оҳан зиёда аз 456 ҳазор мусофир бо гардиши 23,3 миллиард мусофир/км интиқол дода шуд. Ин омор нисбат ба соли 2022 дар маҷмуъ боркашонӣ 16,6 фоиз, гардиши бор 17,5 фоиз, мусофирбарӣ 9,8 фоиз ва гардиши мусофирон 17,3 фоиз зиёд мебошад.
Вазири нақлиёти Ҷумҳурии Тоҷикистон афзуд, ки ҳиссаи соҳаи нақлиёт дар Маҷмуи маҳсулоти дохилии мамлакат /ММД/ беш аз 10,9 миллиард сомониро ташкил медиҳад. Саҳми соҳаи нақлиёт дар Маҷмуи маҳсулоти дохилии ҷумҳурӣ ба 8,4 фоиз расонида шуд, ки нисбат ба соли 2022 0,2 банди фоизӣ зиёд гардидааст.
Марзия САИДЗОДА,
АМИТ «Ховар»
АКС: АМИТ «Ховар»
«ПУЛИ МИЛЛӢ-ИФТИХОРИ МИЛЛӢ». Дар «Амонатбонк» бахшида ба асъори миллӣ-сомонӣ ҳамоиш доир шуд
Даромади умумии буҷети давлатӣ барои соли 2025 дар ҳаҷми 49,5 миллиард сомонӣ пешбинӣ шудааст
Тоҷикистон ва Индонезия таъсиси корхонаи муштарак оид ба истеҳсоли панелҳои офтобӣ ва инверторҳои офтобиро баррасӣ намуданд
Ҳайати Тоҷикистон дар Форуми «Central Eurasia Siliсon Valley-2024» дар Сан-Франсиско иштирок намуд
Дар Душанбе Форуми байналмилалии молиявӣ баргузор гардид
Тоҷикистон ва Туркия ҳамкориро дар соҳаи саноат тақвият медиҳанд
«MADE IN TAJIKISTAN». Дар Душанбе Намоишгоҳи саноатии Тоҷикистон ташкил карда шуд
Дар Тоҷикистон дар нуҳ моҳ нақшаи даромади буҷети давлатӣ 105,4 фоиз иҷро гардид
«Сомон Эйр» барномаи навсозии курсиҳои мусофирнишини ҳавопаймоҳоро амалӣ намуд
Ҳамкории иқтисодии Тоҷикистон ва Олмон баррасӣ гардид
Намояндаи Тоҷикистон дар чорабиниҳои Форуми глобалии сиёсати Алянси фарогирии молиявӣ иштирок намуд
Байни Хадамоти гумруки Тоҷикистон ва Русия оид ба Долони содакардашудаи гумрукӣ созишнома ба имзо расид
