НИШАСТИ МАТБУОТӢ. Соли 2023 ба шаҳри Роғун 704 сайёҳи хориҷӣ омадааст
РОҒУН, 12.02.2024. /АМИТ «Ховар»/. Бо қарори Маҷлиси вакилони халқи шаҳри Роғун нақшаи чорабиниҳои Мақомоти иҷроияи ҳокимияти давлатии шаҳри Роғун оид ба истиқболи 35-солагии Истиқлоли давлатии Ҷумҳурии Тоҷикистон иборат аз 110 банд таҳия ва тасдиқ шудааст. Тибқи он, то ҷашни бузурги 35-солагии Истиқлоли давлатӣ 38 иншоот дар маркази шаҳри Роғун ва кӯчаи «25-солагии Истиқлолият», 14 иншоот дар шаҳраки Оби Гарм, 43 иншоот дар Ҷамоати деҳоти Қади Об ва 10 иншоот дар Ҷамоати деҳоти Сичароғ бунёд мегардад. Дар ин хусус зимни нишасти матбуотӣ Раиси шаҳри Роғун Сунъатулло Саидзода иттилоъ дод.
То имрӯз 29 иншооти гуногун ба истифода дода шуда, сохтмони иншооти дигар, аз қабили бинои маъмурии шуъбаи хадамоти “Муҳофиза”-и Вазорати корҳои дохилии Ҷумҳурии Тоҷикистон, бинои маъмурии шуъбаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Роғун, бинои маъмурии прокуратура, бинои маркази «Беҳтарсозии малакаи касбӣ ва имкониятҳои ба кортаъминшавӣ», бинои маъмурии нозироти андоз ва сохтмони бинои филиалаи №19-и “Амонатбонк” бо маром идома дорад.
Дар нишасти матбуотӣ гуфта шуд, ки яке аз дастовардҳои соҳаи сайёҳӣ тасдиқи «Барномаи маҳаллии рушди минтақаи сайёҳии Роғун барои солҳои 2024-2028» ба ҳисоб меравад. Барнома истифодаи самараноки имконият барои инкишофи инфрасохтори сайёҳӣ дар ҳудуди шаҳри Роғун, беҳтар намудани сифати хизматрасонӣ, дастгирии сайёҳии дохиливу хориҷӣ ва ҷалби сармоя дар ин самт, ҳамоҳангсозии фаъолияти вазорату идораҳои дахлдор, таҳияи маҳсулоти нави сайёҳӣ, хастсайрҳои нави сайёҳӣ дар ҳудуди шаҳр ва дигар хизматрасонии сайёҳиро ба танзим медарорад.
Гуфта шуд, ки соли 2023 ба шаҳри Роғун 6121 сайёҳ ташриф овардааст, ки 704 нафараш сайёҳи хориҷӣ ва 5417 нафар сайёҳи дохилӣ мебошад.
Субҳониддини МАҲМУД,
АМИТ «Ховар»
АКС: АМИТ «Ховар»
Дар Қатар инъикоси мавзеъҳои сайёҳии Тоҷикистон дар шабакаи иттилоотии «Ал-Ҷазира» баррасӣ шуд
САЙЁҲӢ ДАР ТОҶИКИСТОН СОҲАИ ОЯНДАДОР АСТ. Мулоҳизаҳои ректори Донишгоҳи байналмилалии сайёҳӣ ва соҳибкорӣ Убайдулло Асрорзода
РУШДИ САЙЁҲӢ. Дар ноҳияи дурдасти Мурғоб се меҳмонхонаи замонавӣ ба истифода дода шуд
Кумитаи рушди сайёҳии Тоҷикистон ва Корпоратсияи рушди сайёҳии Покистон дар асоси «Харитаи роҳ» ҳамкориро вусъат мебахшанд
«Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040» таҳия гардид
ҶАШНИ ТИРГОН. Он ҳамчун воситаи маъмули сайёҳии миллӣ муаррифӣ гардид
Ҳайати Тоҷикистон дар Ҷаласаи гурӯҳи корӣ оид ба баланд бардоштани иқтидори сайёҳии минтақаи CAREC иштирок намуд
Тоҷикистон ва Ҳиндустон дар самти омода намудани мутахассисони соҳаи сайёҳӣ ҳамкориро густариш медиҳанд
«БАДАХШОН – ДАРВОЗАИ ТИЛЛОИИ ТОҶИКИСТОН». Суратгузориш аз Форуми сайёҳӣ дар шаҳри Хоруғ
«OH TAJIKISTAN». Дар Кумитаи рушди сайёҳӣ муаррифии видеролики таблиғотӣ доир гардид
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
Имконияти сайёҳии Тоҷикистон дар Олмон муаррифӣ гардид
