НИШАСТИ МАТБУОТӢ. Соли 2023 дар Тоҷикистон ба соҳибкории истеҳсолӣ 7,2 миллиард сомонӣ қарз дода шудааст
ДУШАНБЕ, 15.02.2024 /АМИТ «Ховар»/. Бонки миллии Тоҷикистон аз пешниҳод гардидани 19 миллиард сомонӣ қарз аз ҷониби бонкҳо ва ташкилоти қарзии молиявии мамлакат ба соҳаҳои гуногуни иқтисодиёти Тоҷикистон дар соли 2023 хабар дод, ки нисбат ба соли 2022 4,6 миллиард сомонӣ ё 32 фоиз зиёд мебошад.
Раиси Бонки миллии Тоҷикистон Фирдавс Толибзода 14 феврал зимни нишасти матбуотӣ ба хабарнигорон гуфт, ки аз ҳаҷми умумии қарзҳои соли 2023 додашуда 43,1 фоиз ба соҳаи истеъмолӣ, 14,4 фоиз ба соҳаи кишоварзӣ, 11,7 фоиз ба савдои хориҷӣ, 14,1 фоиз ба соҳаи саноат, 7,1 фоиз ба хизматрасонӣ, 3,8 фоиз ба соҳаи сохтмон ва 5,8 фоиз ба дигар соҳаҳо рост меояд.
Гуфта шуд, ки аз ҳаҷми умумии қарзҳои соли 2023 додашуда 37,8 фоиз ба соҳибкории истеҳсолӣ рост омада, маблағи 7,2 миллиард сомониро ташкил дод, ки нисбат ба соли 2022 1,9 миллиард сомонӣ ё
36,6 фоиз афзоиш ёфтааст. Ҳамзамон соли 2023 ба маблағи 13,6 миллиард сомонӣ қарзҳои хурд дода шудаанд, ки нисбат ба соли 2022 29,1 фоиз зиёд мебошад.
Бо дахли фоизи қарзҳои додашуда Фирдавс Толибзода афзуд, ки фоизи миёнавазни қарзҳо соли 2023 бо пули миллӣ 23,2 фоиз ва бо асъори хориҷӣ 11,8 фоизро ташкил дод, ки нисбат ба соли 2022 бо пули миллӣ 0,14 банди фоизӣ ва бо асъори хориҷӣ 0,16 банди фоизӣ паст мебошад.
Бояд гуфт, ки маблағгузории қарзӣ яке аз воситаҳои асосии таъмини рушди устувори иқтисодиёт, рушди истеҳсолоти ватанӣ, устувор намудани иқтидори содиротӣ ва ташкили ҷойи нави кор ба шумор меравад.
Марзия САИДЗОДА,
АМИТ «Ховар»
АКС: АМИТ «Ховар»
Дар Минск масъалаҳои рушди ҳамкории геологӣ дар доираи ИДМ баррасӣ гардиданд
Дар вилояти Суғд ҳар сол қариб дар 35 ҳазор гектар кишти такрорӣ гузаронида мешавад
Густариши робитаҳои мустақими соҳибкорӣ байни Тоҷикистон ва Эрон баррасӣ гардид
Рушди робитаҳои тиҷоратию сармоягузории бахши хусусӣ байни Тоҷикистон ва Чин баррасӣ карда шуд
Дурнамои ҳамкорӣ байни вазоратҳои молияи Тоҷикистон ва Полша баррасӣ гардид
Масоили соҳаи роҳсозӣ ва роҳдорӣ дар Осиёи Марказӣ дар Конфронси панҷуми байналмилалии CARS-2026 дар Душанбе баррасӣ гардид
Ҳайати Тоҷикистон дар ҷаласаи Шурои ҳамоҳангсозии роҳбарони мақомоти тафтиши андозии кишварҳои аъзои ИДМ иштирок намуд
«Shohin Airlines» як ҳавопаймои навъи L-410-ро вориди парки ҳавопаймоҳояш намуд
Дар Брест ҷаласаи 83-юми Шурои роҳбарони хадамоти гумруки давлатҳои ИДМ баргузор гардид
Форуми «CAPIF-5» дар Душанбе ба таҳкими пайвастагии рақамӣ ва рушди ҳамкории интернетии Осиёи Марказӣ бахшида шуд
Файзиддин Қаҳҳорзода ва Лорд Ҷон Алдердайс самтҳои афзалиятноки соҳаҳои идоракунии молияи давлатӣ ва рақамикунониро баррасӣ намуданд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
