НИШАСТИ МАТБУОТӢ. То соли 2026 дар ноҳияи Рашт 21 корхонаю коргоҳи саноатӣ сохта мешавад

Февраль 15, 2024 13:28

РАШТ, 15.02.2024 /АМИТ «Ховар»/. Дар доираи Солҳои рушди саноат (2022-2026) дар ноҳияи Рашт бо ҷалби соҳибкорон ва шарикони рушд бунёди 21 корхонаю коргоҳи истеҳсолӣ ба нақша гирифта шудааст. Дар ин замина соли 2023 дар ноҳия 5 корхонаю коргоҳи истеҳсолӣ ба истифода дода шуд. Шумораи коргоҳу корхонаҳои  истеҳсолии ноҳия  то 1 январи соли 2024  ба 30 адад расонида шудааст, ки нисбат ба нишондиҳандаи ҳамин давраи соли гузашта 10 адад зиёд мебошад. Соли 2023 ҳаҷми истеҳсоли маҳсулоти саноатӣ ба 74  миллиону 619 ҳазор сомонӣ расонида шуд, ки нисбат ба ҳамин давраи соли гузашта 13 миллиону 295 ҳазор сомонӣ зиёд мебошад. Чунин иттилоъ дода шуд ба хабарнигорон  зимни нишасти матбуотӣ дар  Мақомоти иҷроияи ҳокимияти давлатии ноҳияи Рашт.

Гуфта шуд, ки дар ноҳияи Рашт бахшида ба ҷашни бузурги 35-солагии Истиқлоли давлати Ҷумҳурии Тоҷикистон бо дастгирии соҳибкорону сокинони ноҳия  бунёд ва ба истифода додани 275 иншооти мухталиф ба нақша гирифта шудааст. Давоми соли 2022-2023  125 иншооти таъйиноти гуногун мавриди баҳрабардорӣ қарор гирифт, ки 96 иншооти он аз ҳисоби соҳибкорон ва аҳолӣ сохта шудааст.  Дар 106 иншооти дигар корҳои сохтмонию навсозӣ идома дошта, дар муҳлатҳои муқараргардида мавриди баҳрабардорӣ қарор дода мешаванд.

Ҳамзамон зимни нишасти матбуотӣ гуфта шуд, ки вобаста ба рушди муассисаҳои томактабӣ сохтмони бинои иловагӣ   дар назди кӯдакистони№1 идома дошта, бунёди  4 кӯдакистони нав дар ҷамоатҳои деҳоти Навдӣ, Ҳоит,  Қалъаи Сурх ва Нусратулло Махсум ба нақша гирифта шудааст.

Соли 2023 дар деҳаи Бедаки Ҷамоати деҳоти Навдӣ барои 20 нафар ва дар деҳаи Себистони Ҷамоати деҳоти Қалъаи Сурх барои 50 нафар кӯдакистон ба истифода дода шуд.

Субҳониддини МАҲМУД,
АМИТ «Ховар»

АКС: АМИТ «Ховар»

Февраль 15, 2024 13:28

Хабарҳои дигари ин бахш

Дар вилояти Хатлон масъалаи содироти маҳсулоти кишоварзӣ ба хориҷи мамлакат баррасӣ шуд
Таҳкими ҳамкории иқтисодию тиҷоратии Тоҷикистон ва Туркия дар Анқара баррасӣ гардид
То охири моҳи май дар Тоҷикистон зиёда аз 21 ҳазор тонна картошка ҷамъоварӣ гардид
Дар Анқара Форуми соҳибкории Тоҷикистон ва Туркия доир мегардад
Дар вилояти Хатлон корхонаҳои саноатии коркарди пӯсту пашм бунёд мешаванд
МЕТРО ДАР ДУШАНБЕ. Ҳайатҳои Тоҷикистон ва Кореяи Ҷанубӣ натиҷаи омӯзиши имконоти марҳилаи аввали сохтмони метроро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Шаҳри Турсунзода гулзор гардидааст
МАСЛИҲАТИ МУТАХАССИС. Қулфинай сарчашмаи асосии витамини С мебошад
Дар Тоҷикистон дар заминҳои лалмӣ шолӣ парвариш карда мешавад
Муносиботи Тоҷикистон ва Чин бар руҳияи дӯстӣ, робитаҳои неки ҳамсоягию таърихӣ ва шарикии стратегӣ асос ёфтаанд
Роҳбарони ниҳодҳои ҳифзи муҳити зисти Созмони Ҳамкории Шанхай дар Остона масъалаҳои экологӣ ва тағирёбии иқлимро баррасӣ намуданд
Президенти Тоҷикистон ба роҳбарони шаҳру ноҳияҳо супориш доданд, ки ҷиҳати иҷрои саривақтии нақша-чорабиниҳои ҷашни 35-солагии Истиқлоли давлатӣ тадбирҳои зарурӣ андешанд