Шаҳрвандони кадом давлатҳо бештар ба Тоҷикистон меоянд?

ДУШАНБЕ, 25.02.2024 /АМИТ «Ховар»/. Дар Тоҷикистон ҳамасола  афзоиши сайёҳони хориҷӣ мушоҳида мешавад. Масалан, соли 2023 шумораи шаҳрвандони хориҷие, ки бо ҳар гуна мақсад (тиҷоратӣ, истироҳат ва ғ.) ба мамлакати мо сафар намудаанд, 1358,0 ҳазор нафарро ташкил дод, ки нисбат ба соли 2022   206,1 ҳазор ё 17,9 фоиз зиёд мебошад.

Аз шумораи умумии шахсоне, ки ба Тоҷикистон сафар намудаанд, тибқи методологияи Созмони ҷаҳонии сайёҳӣ, 1201,0 ҳазор нафар сайёҳ ҳисобида мешавад. Ин нишондиҳанда нисбат ба соли 2022    20,2 фоиз зиёд аст.

Дар асоси маълумоти Агентии омор, шаҳрвандони давлатҳои зерин бештар ба Тоҷикистон меоянд.

Аз Иттиҳоди Давлатҳои Мустақил:

Узбекистон – 898,2 ҳазор нафар (66,1 фоиз аз шумораи умумии омадагон)

Русия – 307,9 ҳазор нафар (22,7 %).

Қазоқистон – 33,5 ҳазор нафар (2,5 %).

Туркманистон  – 4,2 ҳазор нафар (0,3 %).

Қирғизистон – 3,1 ҳазор нафар (0,2 %).

Аз давлатҳои хориҷии дур:

Чин – 20,4 ҳазор нафар (1,5 %).

Туркия – 12 ҳазор нафар (0,9 %).

ИМА – 9,7 ҳазор нафар (0,7 %).

Эрон – 6,8 ҳазор нафар (0,5 %).

Афғонистон – 6,5 ҳазор нафар (0,5 %).

Олмон – 5,1 ҳазор нафар (0,4 %).

Ҳиндустон – 4,1 ҳазор нафар (0,3 %).

Ҷумҳурии Корея – 2,5 ҳазор нафар (0,2 %).

Британияи Кабир – 2,4 ҳазор нафар (0,2 %).

Покистон – 2,2 ҳазор нафар (0,2 %).

Фаронса – 2 ҳазор нафар (0,1 %).

Италия – 1,8 ҳазор нафар (0,1 %).

АКС: АМИТ «Ховар»