Шумораи тахлияшудагон пас аз заминларзаҳои шадид дар Ҷопон ба 14 ҳазор расид

ДУШАНБЕ, 02.02.2024 /АМИТ «Ховар»/. Зиёда аз 14 ҳазор нафар дар Ҷопон баъди як моҳ гузаштан аз оғози силсилаи заминларзаҳое, ки дар нимҷазираи Ното ба амал омаданд, наметавонанд ба хонаҳояшон  баргарданд. Тавре АМИТ «Ховар» бо истинод ба  ТАСС хабар медиҳад, дар ин хусус шаабакаи телевизиони NHK иттилоъ додааст.

Таъкид шудааст, ки қариб 4,7 ҳазор нафар дар меҳмонхонаҳо зиндагӣ менамоянд ва боз 9,5 ҳазор нафар дар марказҳои махсуси тахлия, ки дар мактабҳо ва муассисаҳои ҷамъиятӣ кушода шудаанд, боқӣ мемонанд. Дар робита ба ин дар минтақа корҳои барқарорсозии манзилҳои харобшуда ва инфрасохтор идома доранд.

АКС аз манбаъҳои боз