«Vast Resources PLC» дар оянда корхонаи «Апрелевка» -и Суғдро бо иқтидори пурра ба кор меандозад
ДУШАНБЕ, 29.02.2024 /АМИТ «Ховар»/. Масъалаи ҳамкории мутақобила дар самти истихроҷ ва коркарди маъданҳои кӯҳӣ дар мулоқоти Раиси вилояти Суғд Раҷаббой Аҳмадзода ва директори иҷроияи корхонаи «Vast Resources PLC» Ричард Эндрю Прили мавриди баррасӣ қарор гирифт.
АМИТ «Ховар» бо истинод ба хадамоти матбуоти Раиси вилояти Суғд иттилоъ медиҳад, ки зимни муаррифии имконоти вилоят Раҷаббой Аҳмадзода изҳор дошт, ки дар вилояти Суғд барои рушди тамоми соҳаҳои иқтисодиёт тадбирҳои мушаххас андешида мешаванд.
Гуфта шуд, ки корхонаи «Vast Resources PLC» асосан дар самти истихроҷ ва коркарди маъдан фаъолияти босамар дошта, дар аксар давлатҳои хориҷӣ намояндагӣ дорад.
Ричард Эндрю Прили ҳавасмандиашро барои густариши ҳамкорӣ, алалхусус дар корхонаи «Апрелевка» баён дошт. Таъкид гардид, ки дар доираи ин ҳамкорӣ ояндаи наздик бо иқтидори пурра ба кор андохтани корхонаи «Апрелевка» ба нақша гирифта шудааст.
Корхонаи «Апрелевка» яке аз корхонаҳои бузурги вилояти Суғд буда, соли 1995 дар заминаи кони маъдани истихроҷи тиллои Қайроққум таъсис дода шудааст. Ширкат бо анҷом додани корҳои иктишофӣ ва воридсозии технологияи муосир имкон дорад иқтидори истеҳсолии корхонаро ду — се баробар боло бардорад.
АКС: Хадамоти матбуоти Раиси вилояти Суғд
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
