«ВАТАНПАРВАР». Дар Файзобод даври сеюми озмуни минтақавӣ гузаронида шуд

ДУШАНБЕ, 20.02.2024 /АМИТ «Ховар»/. Бо мақсади баланд бардоштани тарбияи ҳарбӣ – ватандӯстии наврасону ҷавонон, тарғибу ташвиқи дӯстиву рафоқат байни онҳо ва дар доираи ҷашни 31-солагии  таъсиси Қувваҳои Мусаллаҳи Ҷумҳурии Тоҷикистон дар ноҳияи Файзобод даври минтақавии Озмуни ҳарбӣ-варзишии «Ватанпарвар» баргузор гардид. Дар ин хусус АМИТ «Ховар» бо истинод ба маркази матбуоти Раиси ноҳияи Файзобод хабар медиҳад.

Бо ибтикори мақомоти иҷроияи ҳокимияти давлатӣ дар Муассисаи таҳсилоти миёнаи умумии №59 даври сеюми минтақавии мусобиқаи ҳарбӣ–варзишии «Ватанпарвар» байни хонандагони ҷамоатҳои шаҳраки «30-солагии Истиқлол», деҳоти Чашмасор ва Қалъаи Дашт доир гардид. Дар он хонандагони 13 муассиса аз ҷамоатҳо иштирок намуда, 3 нафар  ба даври ноҳиявӣ роҳхат гирифт.

Муассисаҳое, ки дар ин мусобиқа фаъолона иштирок намуданд, бо Сипосномаи бахши кор бо ҷавонон ва варзиши ноҳия қадрдонӣ шуданд.

Бояд гуфт, ки даври ноҳиявӣ имрӯз, 20 феврал бахшида ба Рӯзи Қувваҳои Мусаллаҳи Ҷумҳурии Тоҷикистон дар маркази ноҳия баргузор мегардад. Мақсад аз баргузории чунин мусобиқаҳо — баланд бардоштани ҳисси ватандӯстӣ ва ҷалби бештари ҷавонон барои хизмат дар сафи Қувваҳои Мусаллаҳи Ҷумҳурии Тоҷикистон мебошад.

АКС: Маркази матбуоти Раиси ноҳияи Файзобод