35-СОЛАГИИ ИСТИҚЛОЛИЯТИ ДАВЛАТӢ. Дар Исфара Маркази савдо ва хизматрасонии «Амид» ба истифода дода шуд
ДУШАНБЕ, 09.03.2024 /АМИТ «Ховар»/. Дар раванди ободонию бунёдкорӣ бахшида ба ҷашни 35-солагии Истиқлолияти давлатии Ҷумҳурии Тоҷикистон бо иштироки Раиси вилояти Суғд Раҷаббой Аҳмадзода дар шаҳри Исфара Маркази савдо ва хизматрасонии «Амид» ба истифода дода шуд, иттилоъ медиҳад АМИТ «Ховар» бо истинод ба хадамоти матбуоти Раиси вилояти Суғд.
Масоҳати умумии маркази савдо 620 метри мураббаъ буда, бо тарҳи муосир ва услуби хоссаи меъморӣ ва бо омезиши нақшу нигори миллӣ бунёд ёфтааст. Дар он маҳсулоти гуногун, аз қабили лавозимоти рӯзгор, хӯрокворӣ, маҳсулоти гӯштиву ширӣ, хӯришҳо, хӯрокҳои тезтайёр, нӯшокиву шириниҳо фурӯхта мешаванд.
Бо ба истифода додани ин иншооти ҷашнӣ 70 сокини маҳаллӣ дар ду баст бо кори доимӣ таъмин гардиданд, ки аксари онҳо занон мебошанд.
Дар Маркази нави савдо тамоми талабот ва меъёр риоя шуда, маҳсулот ба он мустақим ворид мешавад. Ин имкон медиҳад, ки арзиши маҳсулот нисбат ба бозор то 10 дарсад арзонтар гардад.
Раиси вилоят зимни шиносоӣ бо имконоти фароҳамгардидаи Маркази савдо ва хизматрасонии «Амид» ва мулоқот бо сокинон таъкид намуд, ки маҳз бо дастгирии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва имтиёзҳои фароҳамовардаи Ҳукумати мамлакат дар тамоми манотиқи мамлакат, аз ҷумла вилояти Суғд корҳои ободониву созандагӣ бомаром идома дошта, силсилаиншооти муҳими иқтисодию иҷтимоӣ бунёд мешавад. Ҳадаф аз он фароҳам овардани шароити мусоиди зиндагонӣ барои сокинон мебошад.
АКС: Хадамоти матбуоти Раиси вилояти Суғд
Роҳи ҷумҳуриявии Душанбе-Шарора-Ҳисор пурра мумфарш карда шуд
Президенти Ҷумҳурии Тоҷикистон Эмомалӣ Раҳмон дар ноҳияи Рӯдакӣ 20 иншоотро ба таври фосилавӣ мавриди истифода қарор доданд
Пешвои миллат Эмомалӣ Раҳмон дар ноҳияи Рӯдакӣ бинои нави Қасри фарҳанги ба номи Кароматулло Қурбоновро ифтитоҳ намуданд
Сарвари давлат Эмомалӣ Раҳмон бинои нави раёсати маорифи ноҳияи Рӯдакиро мавриди истифода қарор доданд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
