Бахшида ба Наврӯзи байналмилалӣ аз ҷониби Комиссияи олии аттестатсионӣ шаҳодатномаҳои дараҷа ва унвонҳои илмӣ тақдим шуданд
ДУШАНБЕ, 26.03.2024 /АМИТ «Ховар»/. Дар рӯзҳои таҷлили ҷашни Наврӯзи байналмилалӣ дар Донишгоҳи давлатии ҳуқуқ, бизнес ва сиёсати Тоҷикистон бо ибтикори Комиссияи олии аттестатсионии назди Президенти Ҷумҳурии Тоҷикистон ба омӯзгороне, ки дар муассисаҳои таҳсилоти олии касбии вилоят ба корҳои таълимӣ, тарбиявӣ ва илмиву таҳқиқотӣ машғул гардида, рисолаҳои номзадиву докториашонро ҳимоя намудаанд, дар вазъияти тантанавӣ шаҳодатномаҳои дараҷа ва унвони илмиашон тақдим гардид. Дар ин хусус АМИТ «Ховар» бо истинод ба шуъбаи таҳлил ва робита бо ҷомеаи ин донишгоҳ хабар медиҳад.
Дар маросими тақдими шаҳодатномаҳо муовини раиси Комиссияи олии аттестатсионии назди Президенти Ҷумҳурии Тоҷикистон аз номи роҳбарияти ин ниҳоди давлатӣ иштирокчиёнро ба ифтихори ҷашни Наврӯз табрик намуда, иброз дошт, ки бо шарофати соҳибистиқлолӣ ва заҳматҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон марҳилаи шинохти суннату оинҳои Наврӯз эҳё гардида, ҷашни бузурги миллиамонро ҷаҳониён пазируфтанд, ки он эътирофи ҷаҳонии дастовардҳои миллати соҳибтаъриху соҳибтамаддуни тоҷик мебошад. Маҳз олимону донишмандони тоҷик буданд, ки бо анҷом додани корҳои илмиву таҳқиқотии астрономӣ ба ҷашни Наврӯз асос гузоштанд. Роҳбарияти Комиссияи олии аттестатсионии назди Президенти Ҷумҳурии Тоҷикистон тақдими шаҳодатномаҳои унвонҳои илмиро ба муносибати ҷашни фархундаи Наврӯзи байналмилалӣ нишонаи эҳтирому арҷгузорӣ ба омӯзгорон-равшангарони зиндагии пурсаодат ва расидан ба қадри хизмату заҳмати олимону муҳаққиқон маънидод намуд.
Дар вазъияти тантанавӣ ба омӯзгорони муассисаҳои таҳсилоти олии касбии вилоят шаҳодатномаҳои дараҷа ва унвонҳои илмӣ тақдим гардиданд.
АКС: Шуъбаи таҳлил ва робита бо ҷомеаи Донишгоҳи ҳуқуқ, бизнес ва сиёсати Тоҷикистон
Дар Дубай дар мавзуи «Ҷашни Наврӯз ва нақши он дар ташаккули худшиносии миллӣ» конфронси илмӣ доир шуд
Дар Арабистони Саудӣ Наврӯзи байналмилалиро таҷлил намуданд
Дар шаҳри Минск Ҷашни байналмилалии Наврӯзро таҷлил намуданд
Кормандони Кумитаи кор бо ҷавонон ва варзиши Тоҷикистон ҷашни байналмилалии Наврӯзро бо шаҳомати хосса таҷлил намуданд
Дар Женева ҷашни байналмилалии Наврӯз таҷлил шуд
«ПЕШВОИ МИЛЛАТ-ПЕШВОИ НАВРӮЗ». Таҳти ин унвон китоб ба нашр расид
Дар ноҳияи баландкӯҳи Мурғоб ҷашни Наврӯз истиқбол гирифта шуд
Тоҷикон Наврӯзро аз замонҳои қадим бо дилу нияти нек, яъне бо ботини тоза истиқбол мегирифтанд
Ҳамоиши наврӯзии «Корвони шодӣ» ба мардум шодиву нишоти беандоза бахшид
Дар Истаравшан ҷашни Наврӯз бо намоиши ҳунарҳои мардумӣ таҷлил гардид
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
Дар Кумитаи телевизион ва радио ҷашни байналмилалии Наврӯз бо риояи расму оинҳои хосса таҷлил гардид
