Сокинони шаҳру деҳоти Исфара Ҷашни байналмилалии Наврӯзро бо эҳсоси баланди худшиносиву худогоҳū истиқбол намуданд

ДУШАНБЕ, 24.03.2026 /АМИТ «Ховар»/.  Сокинони шаҳру деҳоти Исфара Ҷашни байналмилалии Наврӯзро бо эҳсоси баланди худшиносиву худогохū, гиромидошти суннатҳои поки аҷдодū ва азму ниятхои созандаву ободонии Ватани маҳбуб гарм истиқбол намуданд. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Исфара хабар доданд.

Дар даромадгоҳи “Наврӯзгоҳ”-и шаҳр дар растаю хаймаҳои идона бо риояи анъанаҳои миллӣ суфраҳои наврӯзии ҳафт сину ҳафт шин ва таомҳои миллии хоси Наврӯз, шириниҳои миллӣ, суманак, маҳсулоти соҳаҳои саноату кишоварзӣ, ҳунарҳои мардумӣ, аз қабили  бофандагӣ, сӯзанидӯзӣ, кулолгарӣ, зардӯзӣ, қуроқдӯзӣ ва гаҳворасозӣ ба намоиш гузошта шуданд.

Иброз гардид, ки имрӯз ин ҷашни бостониву фархундаро аҳли сайёра ҳамчун нишонаи эҳёи табиат, рамзи сулҳу дӯстӣ, вусъати ободкориву созандагӣ ва робитаҳои неки байни халқу миллатҳои гуногуни дунё истиқбол мегиранд.

Ҷашни Наврӯз аслан яке аз қадимтарин ва муқаддастарин оинҳои ниёгони мо аст, ки бо фарорасиаш аз омадани фасли зебои бахор ва ибтидои Соли нави аҷдодū мужда мерасонад. Ин мужда рамзи офариниши хаёт, эхёи табиат ва оғози тозаи зиндагū буда, ҳамзамон чун суннати қадимаи ниёгони ориёии мо маънои пирўзии нур бар зулмот ва тантанаи некӣ бар бадиро ифода месозад.

Наврӯз дар давоми таърихи беш аз шашхазорсолаи хеш бурду бохтхои зиёдеро аз сар гузаронида, хамчун рамзи безаволи тамаддуни ориёӣ бо мазмуну муҳтавои зиндагисози худ то имрўз ҷашн гирифта мешавад.

АКС: Мақомоти иҷроияи ҳокимияти давлатии шаҳри Исфара