Дар Бадахшон лоиҳаи зеристгоҳи барқии «Вомар» муаррифӣ гардид
ДУШАНБЕ, 14.03.2024 /АМИТ «Ховар»/. 14 март дар маркази ноҳияи Рӯшони Вилояти Мухтори Кӯҳистони Бадахшон муаррифии лоиҳаи зеристгоҳи нави барқии 10/35/110-киловатаи «Вомар» баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии вилоят хабар медиҳад.
Дар маросим муовини Раиси Маҷлиси миллии Маҷлиси Олии Ҷумҳурии Тоҷикистон, Раиси Вилояти Мухтори Кӯҳистони Бадахшон Алишер Мирзонабот, Вазири энергетика ва захираҳои оби Ҷумҳурии Тоҷикистон Далер Ҷумъазода, сардори шуъбаи Ховари Миёна ва Осиёи Марказӣ, директори кулл оид ба шарикии байналмилалии Комиссияи Аврупо Сара Раналди ва дигар шахсон иштирок намуданд.
Намояндаи ширкати барқии «Помирэнерҷӣ» меҳмононро бо лоиҳаи сохтмон шинос намуд.
Раиси вилоят дар суҳбат бо мардум иброз намуд, ки бо дастгириҳои пайвастаи Ҳукумати мамлакат, хосса Президенти Тоҷикистон муҳтарам Эмомалӣ Раҳмон дар ҳамкорӣ бо шарикони рушд ҳоло дар соҳаи энергетика дар минтақаи вилоят лоиҳаҳои зиёде амалӣ мешаванд, ки ин барнома маҳз бо чунин талошҳои Пешвои миллат рӯйи кор омадааст.
Ҳамзамон Алишер Мирзонабот аз ояндаи дурахшони вилоят дар соҳаи энергетика ёдовар шуда, иброз дошт, ки дар вилоят маҳдудияти барқ кам ба назар мерасад ва бо бунёди неругоҳҳои Себзору Санобод ин мушкилӣ пурра бартараф мегардад.
Вазири энергетика ва захираҳои об иттилоъ дод, ки роҳбарияти мамлакат, хусусан Пешвои миллат муҳтарам Эмомалӣ Раҳмон ба энергетиконии ҷумҳурӣ диққати аввалиндараҷа дода, дар ин самт тамоми чораҳои заруриро амалӣ менамоянд.
Сипас Раиси вилоят ва меҳмонон бо ҷараёни сохтмони Неругоҳи барқи обии «Себзор» дар ноҳияи Роштқалъа шинос шуданд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
