Дар Донишгоҳи байналмилалии забонҳои хориҷии Тоҷикистон озмуни «Нақши Эмомалӣ Раҳмон дар ташаккули забони русӣ» ҷамъбаст гардид
ДУШАНБЕ, 22.03.2024 /АМИТ «Ховар»/. Бахшида ба ҷашни байналмилалии Наврӯз дар Донишгоҳи байналмилалии забонҳои хориҷии Тоҷикистон ба номи Сотим Улуғзода маросими тантанавӣ ба муносибати ҷамъбасти озмуни муштараки Донишгоҳи байналмилалии забонҳои хориҷӣ ва нашрияи «Народная газета» зери унвони «Нақши Эмомалӣ Раҳмон дар ташаккули забони русӣ» баргузор гардид. Дар ин хусус АМИТ «Ховар» бо истинод ба ин донишгоҳ хабар медиҳад.
Нахуст бояд гуфт, ки озмуни мақолаи беҳтарин бахшида ба эълон шудани «Соли забони русӣ дар миқёси Иттиҳоди давлатҳои мустақил» зери унвони «Нақши Эмомалӣ Раҳмон дар ташаккули забони русӣ» аз ҷониби Донишгоҳи байналмилалии забонҳои хориҷии Тоҷикистон ба номи Сотим Улуғзода ва нашрияи Ҳукумати Ҷумҳурии Тоҷикистон «Народная газета» эълон гардида буд.
Дар маросими тантанавӣ намояндаи Дастгоҳи иҷроияи Президенти Ҷумҳурии Тоҷикистон Масрур Абдуллозода дар бораи ташаббусҳои бузургу арзишманди Пешвои миллат муҳтарам Эмомалӣ Раҳмон дар рушди забони русӣ, омӯзиши забонҳои хориҷӣ ва фароҳам овардани шароити забономӯзӣ барои наврасону ҷавонон сухан гуфта, аз гузаронидани иқдоми мақолаи беҳтарин изҳори хушнудӣ намуд.
Ректори Донишгоҳ, профессор Жило Гулназарзода ва сармуҳаррири нашрияи «Народная газета»Маҳбуба Камолова аз ташаббусҳои беназиру арзишманди Президенти Тоҷикистон муҳтарам Эмомалӣ Раҳмон дар замони соҳибистиқлолӣ ва мақсаду ғояи гузаронидани озмун байни ҳама қишри ҷомеа сухан гуфтанд.
Жило Гулназарзода дар хусуси омӯзиши забони русӣ ва шароити фароҳамшуда дар донишгоҳ ибрози назар намуда, саҳми Пешвои муаззами миллат муҳтарам Эмомалӣ Раҳмонро дар ин самт бузургу арзишманд номид.
Намояндаи Сафорати Федератсияи Русия дар Ҷумҳурии Тоҷикистон Вера Хуторская аз баргузории чунин озмун ва чорабинии бошукуҳ ба масъулин арзи сипос намуда, доир ба муносибатҳои дӯстонаи Тоҷикистон ва Русия сухан гуфт.
Дар идомаи чорабинии пуршукуҳ аз тарафи ҳайати ҳакамон ғолибони озмун муайян шуда, аз ҷониби дастандаркорони ҳамоиш бо диплому мукофотпулӣ қадрдонӣ гардиданд.
Бояд гуфт, ки ғолиби Шоҳҷоизаи озмун бо мукофотпулӣ дар ҳаҷми 7000 сомонӣ, Ҷом ва диплом, ғолиби ҷойи якум бо 5 ҳазор сомонӣ, ғолибони ҷойи дуюм- ҳар кадоме бо 3 ҳазор сомонӣ ва ғолибони ҷойи сеюм- ҳар кадоме бо 2 ҳазор сомонӣ қадрдонӣ шуданд.
АКС: Донишгоҳи байналмилалии забонҳои хориҷии Тоҷикистон ба номи Сотим Улуғзода
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Имрӯз дар шаҳри Душанбе ҳаво то 37 дараҷа гарм мешавад
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
Дар қаламрави Тоҷикистон заминларза ба амал омад
