Дар Хадамоти иҷро ва Иттифоқи нависандагони Тоҷикистон иди Наврӯзро ботантана ҷашн гирифтанд
ДУШАНБЕ, 21.03.2024 /АМИТ «Ховар»/. Хадамоти иҷрои назди Ҳукумати Ҷумҳурии Тоҷикистон якҷо бо Иттифоқи нависандагони Тоҷикистон дар сатҳи баланди хештаншиносӣ ҷашни байналмилалии Наврӯзро таҷлил намуданд.
Тавре ба АМИТ «Ховар» дар Хадамоти иҷро хабар доданд, дар ҷамъомад Сардори Хадамоти иҷрои назди Ҳукумати Ҷумҳурии Тоҷикистон Барно Саидвализода ва Раиси Иттифоқи нависандагони Тоҷикистон Низом Қосим иштирокчиёни чорабиниро ба ифтихори ҷашни Наврӯзи бостонӣ самимона муборакбод намуданд.
Иброз гардид, ки мояи хушнудӣ ва сарфарозӣ аст, ки бо ибтикори Президенти Ҷумҳурии Тоҷикистон муҳтарам Эмомалӣ Раҳмон Рӯзи байналмилалии Наврӯз ҳамасола дар тамоми ҷаҳон бо шукуҳу шаҳомати хосса таҷлил мегардад. Наврӯз ҷашни баробаршавии шабу рӯз, айёми киштукори баҳорӣ ва ташаббусҳои созанда мебошад.
Гуфта шуд, ки Наврӯз, ки дар Ҷумҳурии Тоҷикистон ба шарофати Истиқлолияти давлатӣ бо тамоми ғановату рангорангӣ эҳё гардид, ҳоло ба ҷашни милливу давлатии мо – тоҷикон ва рамзи худшиносиву ифтихори миллӣ, ваҳдату ҳамдилии мардум ва пайванди наслҳо табдил ёфтааст.
Таҷлили Наврӯз аз қадимтарин замонҳо то ба имрӯз ҷузъи таркибии ҳастиву ҳувияти қавмҳои ориёӣ, аз ҷумла тоҷикон ба ҳисоб меравад.
Далели асосии умри дароз доштани Наврӯз табиӣ будани он аст. Зеро маҳз дар арафаи Наврӯз табиат эҳё шуда, замин қабои сабз ба бар менамояд, марди деҳқон ба кишти баҳорӣ оғоз менамояд ва бо умеду нияти ба даст овардани ҳосили фаровон ба замин дона кишт мекунад.
Наврӯз бо ҳама ҳусни табииву заминиаш намунаи фарҳангу тамаддуни олӣ ба ҳисоб рафта, аз давраҳои дерин барои муҳаббату самимият ва ҳамдигарфаҳмиву ваҳдати байни инсонҳо заминаи беҳтарини маънавӣ фароҳам овардааст.
Дар ҷамъомад ба Шоири халқии Тоҷикистон Гулрухсор Сафиева ҷоизаи байналмилалии «Қонди порсӣ» супурда шуд.
Иштирокчиён дар оростани дастархони наврӯзии ҳафтсину ҳафтшин, пухтани суманак, хони наврӯзӣ маҳорати хуб нишон доданд.
Ҳамзамон маҳфили шеъру суруд бо иштироки шоирону нависандагон ва ҳофизон барпо гардида, хотири иштирокчиёнро шод намуданд.
АКС: Хадамоти иҷрои назди Ҳукумати Ҷумҳурии Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
Дар солҳои соҳибистиқлолии Тоҷикистон андозаи нафақаҳо беш аз 20 маротиба индексатсия карда шуд
35 СОЛИ ИСТИҚЛОЛ: АЗ ОЗМОИШҲОИ ТАЪРИХ ТО БУНЁДИ ПОЯҲОИ ОЯНДАИ ДУРАХШОН. Андешаҳо дар ин маврид
Аз 1 сентябр маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
35-СОЛАГИИ ИСТИҚЛОЛИ ДАВЛАТӢ. Дар деҳаи Руҳафзои ноҳияи Темурмалик 9 иншооти таъйиноти гуногун ифтитоҳ гардид
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
ПУРСИДЕД, ҶАВОБ МЕДИҲЕМ. Аз соли 2027 шаҳрвандони хориҷӣ дар Федератсияи Русия кадом талаботи навро бояд риоя намоянд?
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
Муассисаҳои таҳсилоти ибтидоӣ ва миёнаи касбӣ ба соли нави таҳсил омода мебошанд
ОГОҲӢ! Аз 29 то 31 август дар баъзе минтақаҳои Тоҷикистон омадани селҳои маҳаллӣ пешгӯӣ мешавад
Самаранокии идоракунии молиявӣ бо намояндагони лоиҳаи Иттиҳоди Аврупо дар Тоҷикистон баррасӣ шуд
