Дар шаҳри Москва Наврӯзи байналмилалиро таҷлил намуданд
ДУШАНБЕ, 21.03.2024 /АМИТ «Ховар»/. Бо ташаббуси Сафорати Тоҷикистон дар Федератсияи Русия ҷашни Наврӯзи байналмилалӣ бо иштироки меҳмонон, ҳамватанони бурунмарзӣ, роҳбарони ташкилоти ҷамъиятии тоҷикони муқими кишвари иқомат, намояндагону фаъолони ҷамъиятҳо, чеҳраҳои маъруфи аҳли зиё, доираҳои соҳибкорон аз ҳисоби ҳамватанони муқим ва донишҷӯёни тоҷик баргузор гардид. Дар ин хусус АМИТ «Ховар» бо истинод ба Сафорати Тоҷикистон дар Федератсияи Русия хабар медиҳад.
Сафири Фавқулода ва Мухтори Ҷумҳурии Тоҷикистон дар Русия Давлатшоҳ Гулмаҳмадзода ҳозиринро ба муносибати Иди байналмилалии Наврӯз табрик намуда, доир ба таърих ва фазилатҳои Наврӯзи оламафрӯз ибрози андеша намуд.
Дар чорабинӣ дастархони тоҷикӣ бо ҳафтсину ҳафтшин, таомҳо ва шириниҳои тоҷикӣ оро ёфта буд. Инчунин китобҳо дар бораи Тоҷикистон, намуна аз либосҳои гулдӯзӣ, чакан ва дигар ҳунарҳои мардумӣ ба намоиш гузошта шуданд.
Дар доираи чорабинӣ барномаи ҷолиби консертӣ пешкаш гардид.
АКС: Сафорати Тоҷикистон дар Федератсияи Русия
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
Холид Ал-Фолеҳ: «Арабистони Саудӣ дар Тоҷикистон беш аз 14 лоиҳаро тавассути Фонди саудии рушд амалӣ намудааст»
Намояндаи Тоҷикистон дар Форум оид ба сиёсати бетарафӣ, зеҳни сунъӣ (AI) ва ояндаи рақамӣ иштирок намуд
Сафири Тоҷикистон дар Конгресси ҷаҳонӣ оид ба ҳифзи табиат дар Абу Забӣ иштирок намуд
Сироҷиддини Муҳриддин: «Музокироти сарони кишварҳои ИДМ дар фазои созандаю самарабахш ва корӣ баргузор шуд»
Сергей Лебедев аз нав Дабири кулли Иттиҳоди Давлатҳои Мустақил таъйин гардид
Имрӯз дар Тоҷикистон ҷаласаи Шурои сарони кишварҳои Иттиҳоди Давлатҳои Мустақил баргузор мегардад
Сарвазири Арманистон Никол Пашинян бо сафари корӣ ба Тоҷикистон ташриф овард
Дар Душанбе ҷаласаи Шурои вазирони корҳои хориҷии кишварҳои иштирокдори ИДМ доир шуд
Хабарнигори «Russia Today» Саргон Ҳадая: «Тоҷикон мардуми меҳмоннавоз ҳастанд»
