Дар шаҳри Турсунзода кӯдакистони замонавӣ ба истифода дода шуд
ДУШАНБЕ, 25.03.2024 /АМИТ «Ховар»/. Дар деҳаи Ҷӯрақул Шукурови Ҷамоати деҳоти ба номи Ҷӯра Раҳмонови шаҳри Турсунзода бо иштироки роҳбарияти шаҳр ва намояндагони Ҳукумати мамлакат кӯдакистони муосир ба истифода дода шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Турсунзода хабар медиҳад.
Иттилоъ дода шуд, ки кӯдакистони мазкур дар ҳамкорӣ бо шарикони рушд барои 48 кӯдак бунёд гардидааст. Тарҳи меъмории бино замонавӣ буда, бо системаи гармидиҳии буғӣ таъмин карда шудааст. Ошхона ва утоқи шушстшӯи либосҳои кӯдакистон бо таҷҳизоти замонавӣ муҷаҳҳаз гардонида шудааст.
Бояд гуфт, ки мувофиқи «Барномаи рушди таҳсилоти томактабӣ дар Ҷумҳурии Тоҷикистон барои солҳои 2020-2025», ҳар сол аз ҳисоби маблағҳои мақомоти иҷроияи ҳокимияти давлатии шаҳру ноҳияҳо, шарикони рушд ва бахши хусусӣ бояд 100 муассисаи томактабӣ сохта, ба истифода дода шавад.
Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста таъкид менамоянд, ки «Кӯдакон ояндаи миллатанд ва мо вазифадорем, ки барои тарбияи онҳо аз боғча шароит фароҳам орем».
Ифтитоҳи боз як кӯдакистон дар деҳоти шаҳри Турсунзода аз пайгирӣ ба иқдоми наҷиби муҳтарам Пешвои миллат дарак медиҳад.
АКС: Мақомоти иҷроияи ҳокимияти давлатии шаҳри Турсунзода
Дар Донишгоҳи технологии Тоҷикистон барои рушди саноати хӯрокворӣ лоиҳаи OFINU муаррифӣ гардид
Рухшона Аловиддинзода барандаи Намоишгоҳи байналмилалии «Korea Institute of Patent Information» гардид
Барои сохтмони кампуси Донишкадаи байналмилалии Данғара лоиҳаи Бонки Исломии рушд амалӣ карда мешавад
Байни Маркази барномаҳои байналмилалӣ ва Муассисаи таълимии байналмилалии «Оксфорд» Созишномаи ҳамкорӣ ба имзо расид
Масъалаи ҳамкорӣ дар соҳаи маорифи Тоҷикистон ва Зимбабве баррасӣ гардид
Маркази эҷодии кӯдакон ва наврасони ноҳияи Фирдавсӣ сазовори Ҷоми «Сарраёсати маорифи шаҳри Душанбе» гардид
Дар 21 шаҳру ноҳияҳои Тоҷикистон барои кормандони муваққатии марказҳои имтиҳонӣ машварати омӯзишӣ баргузор мегардад
Даври дуюми бақайдгирӣ барои иштирок дар имтиҳонҳои марказонидаи дохилшавӣ аз моҳи июн оғоз мешавад
Ҷавонони боистеъдоди тоҷик дар беҳтарин муассисаҳои таҳсилоти олии давлатҳои пешрафтаи ҷаҳон таҳсил доранд
Дар Вазорати маориф ва илм рафти иҷрои барномаҳои давлатии соҳаи маориф дар шаҳру ноҳияҳои тобеи ҷумҳурӣ баррасӣ гардид
Дар Донишгоҳи байналмилалии забонҳои хориҷии Тоҷикистон Маркази иттилоот, инноватсия ва рақамикунонӣ ифтитоҳ гардид
Президенти Тоҷикистон: «Барои таълиму тарбияи наврасону ҷавонон 11 лоиҳаи сармоягузории давлатӣ татбиқ мегардад»
