Даври ҷумҳуриявии олимпиадаҳои фаннӣ барои синфҳои 11-и муассисаҳои таълимии ҷумҳурӣ оғоз ёфт

Март 28, 2024 15:55

ДУШАНБЕ, 28.03.2024. /АМИТ «Ховар»/. Имрӯз дар Муассисаи давлатии таълимии «Мактаби байналмилалии президентӣ» даври ҷумҳуриявии олимпиадаҳои фаннӣ барои синфҳои 11 -и муассисаҳои таълимии ҷумҳурӣ оғоз гардид, иттилоъ медиҳад АМИТ «Ховар»  бо истинод ба Муассисаи давлатии «Маркази ҷумҳуриявии дарёфт ва рушди истеъдодҳо».

Гуфта шуд, ки соҳаи маориф зербинои асосии пешрафти ояндаи давлату миллат буда, маҳз бо дуруст ба роҳ мондани таълиму тарбияи насли наврас метавон ояндаи дурахшони миллатро таъмин намуд.

Таъкид шуд, ки олимпиада бо назардошти таъмини пурраи шаффофият гузаронида шуда, барои назорати пурраи озмунҳо синфхонаҳои имтиҳонӣ бо воситаҳои видеоӣ ва сабт таъмин шудаанд.

Бояд гуфт, ки даври ҷумҳуриявии олимпиадаи фаннӣ то 31 марти соли 2024 идома ёфта, дар он дар умум 1127 хонандаи синфҳои 11-и муассисаҳои таълимии мамлакат иштирок намуда, давоми 4 рӯз дар ду самт донишҳои илмиашонро месанҷанд.

Даври ҷумҳуриявии олимпиадаҳои фаннӣ аз ҷониби Маркази ҷумҳуриявии дарёфт ва рушди истеъдодҳо ташкил шуда, минбари дарёфт ва рушди тафаккури илмии истеъдодҳои наврас дар байни хонандагони муассисаҳои таълимии мамлакат мебошад. Ҳадаф аз баргузории олимпиадаҳои фаннӣ ба ҳам овардани хонандагони болаёқат аз тамоми минтақа буда, муайян, муаррифӣ ва дастгирии маънавии онҳо дар сатҳи ҷумҳурӣ ба ҳисоб меравад.

АКС: Муассисаи давлатии «Маркази ҷумҳуриявии дарёфт ва рушди истеъдодҳо»

Март 28, 2024 15:55

Хабарҳои дигари ин бахш

Даври шаҳрии озмуни «Хонандаи сол-2024» баргузор гардид
Дар Хуҷанд ғолибони олимпиадаи минтақавӣ қадрдонӣ карда шуданд
Дар Донишгоҳи миллии Тоҷикистон бахшида ба имзои Эъломияи Хуҷанд ҳамоиши илмӣ баргузор гардид
Сиёсати сулҳҷӯёнаи Пешвои миллат – заминаи стратегии густариши муносибатҳои Тоҷикистон, Узбекистон ва Қирғизистон
Дар Хуҷанд Олимпиадаи минтақавии хонандагон барои дарёфти «Ҷоми Раёсати ДБССТ» оғоз гардид
35-СОЛАГИИ ИСТИҚЛОЛИ ДАВЛАТӢ. Дар Хатлон дар назди муассисаи таълимӣ бинои иловагӣ ба истифода дода шуд
Донишҷӯёни Донишгоҳи техникии Тоҷикистон дар озмуни маҳорату маллакаи касбӣ дар Чин соҳиби медали нуқра шуданд
Дар деҳаи Лолазори ноҳияи Деваштич муассисаи томактабӣ сохта мешавад
Дар Донишгоҳи давлатии Кӯлоб Озмуни ҷумҳуриявии «Фурӯғи субҳи доноӣ китоб аст» баргузор гардид
То 3 апрел даври якуми Озмуни ҷумҳуриявии «Фурӯғи субҳи доноӣ китоб аст» идома меёбад
Омӯзгорони Донишгоҳи байналмилалии сайёҳӣ ва соҳибкории Тоҷикистон дар машварати байналмилалӣ иштирок намуданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи Янтайи Чин густариш меёбад