ФУТБОЛ. Дастаи «Регар-ТадАЗ» ҳайаташро бо собиқ бозингарони бошгоҳҳои «Мартиму» ва «Брага»-и Португалия пурқувват намуд
ДУШАНБЕ, 31.03.2024 /АМИТ «Ховар»/. Дастаи футболи «Регар-ТадАЗ»-и шаҳри Турсунзода ҳайаташро бо дифоъгари марказӣ Усмон Кассим пурқувват намуд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Усмон Кассим 22 сол дошта, ба ҳайси дифоъгари марказӣ бозӣ менамояд. Ӯ бо дастаи футболи «Регар-ТадАЗ»-и шаҳри Турсунзода ба муддати як сол қарордоди ҳамкорӣ ба тасвиб расонид. Усмон фаъолияти футболбозиашро аз мавсими солҳои 2020-2021 дар ҳайати дастаи «Акра Лайонс»-и Гана оғоз карда, то тобистони соли 2023 дар ҳайати ин даста бозӣ намудааст.
Ҳамчунин дастаи футболи «Регар-ТадАЗ»-и шаҳри Турсунзода ҳайаташро бо легионери нав Ҷонсон Овусу пурқувват намуд. Ҷонсон Овусу 26 сол дошта, ба ҳайси ниммуҳофизатгари марказӣ ва канорӣ бозӣ менамояд. Мавсими солҳои 2023-2024-ро ӯ дар ҳайати дастаи футболи «Дримз»-и Гана оғоз намуд. Ӯ дар 7 бозии чемпионати Гана (дар маҷмуъ 311 дақиқа) иштирок намуда, аз моҳи январи соли 2024 футболбози озод ба ҳисоб мерафт. Қаблан ӯ шарафи дастаҳои зерин: «Кукеси»-и Албания, «Камача»-и Португалия, «Фастав Злин»-и «Чехия», ҳайатҳои ҷавонони бошгоҳҳои «Мартиму» ва «Брага»-и Португалияро ҳимоя намудааст.
АКС: Федератсияи футболи Тоҷикистон
Паҳлавони тоҷик Кароматулло Ҳакимов дар нахустин Чемпионати ҷаҳон оид ба Гӯштингирӣ медали тилло ба даст овард
Дастаи мунтахаби Тоҷикистон оид ба футзал бо дастаҳои Испания ва Нидерландия бозии дӯстона доир мекунад
Варзишгари тоҷик Ҳақназар Назаров дар нахустин Чемпионати ҷаҳон оид ба Гӯштингирӣ медали тилло ба даст овард
ФУТБОЛ. Ҳайати дастаи мунтахаби Тоҷикистон барои иштирок дар мусобиқаи Ҷоми Мердека-2024 муайян гардид
Эмомалӣ Раҳмон: «Барои дар сатҳи баланд доир кардани мусобиқаҳои милливу ҷаҳонӣ оид ба гӯштингирӣ талош хоҳем кард»
Пешвои миллат: «Баргузории Чемпионати ҷаҳон оид ба гӯштингирӣ Душанберо чун шаҳри сулҳу дӯстӣ муаррифӣ менамояд»
Варзишгари тоҷик Шакармамад Мирмамадов дар нахустин Чемпионати ҷаҳон оид ба гӯштингирӣ медали тилло ба даст овард
Шоҳида Қаландарова барандаи медали нуқраи Чемпионати ҷаҳон оид ба гӯштингирӣ шуд
Варзишгари тоҷик Масъуди Аҳмадзод медали тиллои нахустин Чемпионати ҷаҳон оид ба гӯштингириро ба даст овард
Президенти Тоҷикистон: «Гӯштингирӣ намуди суннатии варзиши мардуми тоҷик буда, таърихи беш аз панҷҳазорсола дорад»
Паҳлавони тоҷик Муллораҷаб Халифаев соҳиби медали тиллои Чемпионати ҷаҳон оид ба гӯштингирӣ гардид
4 варзишгари тоҷик барои медали тиллои нахустин Чемпионати ҷаҳон оид ба гӯштингирӣ дар Душанбе рақобат мекунанд
