Саҳми Бонки ҷаҳонӣ дар татбиқи муваффақонаи кӯшишҳои Ҳукумати Тоҷикистон барои нигоҳ доштани суботи иқтисодӣ ва молиявӣ назаррас арзёбӣ гардид
ДУШАНБЕ, 14.03.2024 /АМИТ «Ховар»/. Марҳилаи дуюми «Барномаи тақвият бахшидани бахши молиявӣ ва рушди бахши хусусӣ» дар Ҷумҳурии Тоҷикистон дар мулоқоти Раиси Бонки миллии Тоҷикистон Фирдавс Толибзода бо намояндагони ҳайати Бонки ҷаҳонӣ, ки бо сафари корӣ дар Тоҷикистон қарор дорад, дар Душанбе баррасӣ гардид. Дар ин хусус ба АМИТ «Ховар» дар Бонки миллии Тоҷикистон иттилоъ доданд.
Раиси Бонки миллӣ иброз дошт, ки дар айни замон Бонки миллии Тоҷикистон бо Бонки ҷаҳонӣ дар доираи се лоиҳа- «Асосҳои рақамии Тоҷикистон», «Устувории низоми молиявӣ ва таҳкими бахши хусусӣ» ва марҳилаи дуюми «Барнома оид ба таҳкими бахши молиявии Тоҷикистон» ҳамкориро идома медиҳад.
Фирдавс Толибзода саҳми Бонки ҷаҳониро дар татбиқи муваффақонаи кӯшишҳои Ҳукумати Ҷумҳурии Тоҷикистон ҷиҳати нигоҳ доштани суботи иқтисодӣ ва молиявӣ дар мамлакат назаррас арзёбӣ намуда, гуфт, ки дар доираи Барномаи дастгирии техникии Бонки ҷаҳонӣ оид ба устувории бахши молиявӣ, ки аз ҷониби SECO маблағгузорӣ мешавад, Бонки миллии Тоҷикистон ба натиҷаҳои назаррас ноил гардид.
Коршиноси калони бахши молияи Гурӯҳи Бонки ҷаҳонӣ дар Аврупо ва Осиёи Марказӣ Пиетро Каличе аз натиҷаҳои бадастовардаи бахши молиявии Тоҷикистон, бахусус низоми бонкӣ изҳори қаноатмандӣ намуда, омодагии Бонки ҷаҳониро ба ҳамкории судманд иброз дошт.
Ҷонибҳо оид ба масъалаҳои мавриди назар, аз ҷумла маблағгузории иқтисоди «сабз», хавфҳои тағйирёбии иқлим, дастгирии имконияти рушди устувори бозори суғурта дар Ҷумҳурии Тоҷикистон, ҳимояи ҳуқуқҳои истеъмолкунандагони хизматрасонии молиявӣ, такмили заминаи меъёрии ҳуқуқӣ, хизматрасонии молиявии рақамӣ, татбиқи Стратегияи фарогирии молиявӣ, нигаҳдории суботи макроиқтисодӣ, афзун намудани пардохтҳои ғайринақдӣ, таъмини устувории низоми пардохт, узвияти Бонки миллии Тоҷикистон ба Шабакаи бонкдорӣ ва маблағгузории устувор («SBFN»), рушди бозори коғазҳои қиматнок ва барориши вомбаргҳои «сабз», кушодани суратҳисобҳои муросилотӣ мубодилаи афкор намуданд.
Раиси Бонки миллии Тоҷикистон иброз дошт, ки ҷиҳати таъмини рушди иқтисодӣ ва тавсеаи низоми бонкии Тоҷикистон ташаббусҳои созандаи ин ташкилоти бонуфузи ҷаҳониро дастгирӣ ва барои татбиқи онҳо тадбирҳои судмандро амалӣ менамоянд.
АКС:Бонки миллии Тоҷикистон
Дар Тоҷикистон ҳаҷми истеҳсоли қолин афзоиш ёфтааст
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
ҚУРБИ АСЪОР: дар Тоҷикистон 1 евро аз 11.8268 то 11.6500 сомонӣ муқаррар шудааст
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
