Тавсияи Вазорати нақлиёти Тоҷикистон: «Бинобар хатари фаромадани тарма ва яхбандӣ ронандагон бе зарурат ба роҳ набароянд»
ДУШАНБЕ, 04.03.3024 /АМИТ «Ховар»/. Вазорати нақлиёти Ҷумҳурии Тоҷикистон ронандагони воситаҳои нақлиётро ба зарурати риояи низоми бехатари суръат ва масофа ҳангоми ҳаракат дар роҳҳо, инчунин худдорӣ аз ҳаракат дар роҳҳои кӯҳӣ бе зарурати ҳатмӣ даъват менамояд.
Рӯзҳои охир сард шудани ҳаво ва барфи зиёд дар саросари мамлакат ҳаракати воситаҳои нақлиётро то андозае душвор гардонд. Дар айни замон тамоми қувва ва воситаҳои хадамоти нигоҳдории роҳҳои Вазорати нақлиёти мамлакат ва мақомоти иҷроияи ҳокимияти давлатии шаҳру ноҳияҳо ба тоза намудани роҳҳои мошингард равона шудааст, иттилоъ доданд ба АМИТ «Ховар» дар ин вазорат.
Тибқи маълумоти Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон, 5-6 март дар баъзе минтақаҳо туман мефарояд. Дар ин ҳолат дар ағбаҳо дидани роҳҳо то 500 метр хеле душвор мешавад. Дар шоҳроҳҳои «Душанбе-Чанок» ва «Душанбе-Қулма», инчунин дар роҳҳои ноҳияҳои кӯҳии тобеи марказ аз 4 то 7 март хатари фаромадани тарма ва яхбандӣ боқӣ мемонад.
Аз ин рӯ, Вазорати нақлиёти ҷумҳурӣ ба таваҷҷуҳи ронандагон мерасонад, ки ҳангоми ҳаракат дар роҳҳо қоидаҳои бехатариро риоя намоянд, аз идораи воститаҳои нақлиёт дар роҳҳо бо суръати баланд худдорӣ намоянд, бо худ занҷирҳои зиддилағзиш доштанро фаромӯш насозанд, дар сурати танбашавӣ ба хати муқобили ҳаракат набароянд, ба кори техникаи махсус, ки ба чош додани маводи зиддилағзиш машғул аст, монеа эҷод накунанд. Инчунин дар роҳҳои автомобилгард масофаи 500 метрро байни воситаҳои нақлиёт риоя намудан зарур аст.
Масъулияти бештар ба ронандагони нақлиёти ҷамъиятӣ вогузор шудааст, зеро онҳо вазифадор ҳастанд, ки ҳатто дар шароити мураккаби обу ҳаво ҳамлу нақли саривақтӣ ва бехатари мусофиронро таъмин намоянд. Ронандагонро мебояд дар шароити номусоидии боду ҳаво бо мақсади бехатарӣ бе зарурат ба роҳ набароянд. Аз ронандагони мошинҳои боркаш ва сабукрав хоҳиш мешавад, ки пеш аз сафар тавассути ағбаҳо ва роҳҳои кӯҳӣ аз маълумот дар бораи обу ҳаво огоҳ шаванд.
АКС: Вазорати нақлиёти Ҷумҳурии Тоҷикистон
МегаФон Тоҷикистон U-17-ро дар чемпионати ҷаҳон – 2025 дар Қатар дастгирӣ намуд
Имрӯз дар баъзе ноҳияҳои Тоҷикистон борон меборад
Дар ноҳияи Лахш бо усули «Деҳа ба деҳа» ва «Маҳалла ба маҳалла» суҳбату вохӯриҳо доир гардид
Бахшида ба 100-солагии Омӯзгори хизматнишондодаи Тоҷикистон Хосият Махсумова ҳамоиши илмӣ-маърифатӣ баргузор шуд
Муассисаҳои таълимӣ ва тандурустии ноҳияи Шаҳринав барои давраи тирамоҳу зимистон омода карда шуданд
Имрӯз дар доманакӯҳои Тоҷикистон ҳаво то 20 дараҷа гарм мешавад
АГЕНТИИ ОБУҲАВОШИНОСӢ ОГОҲ МЕНАМОЯД. Аз 2 то 5 ноябр дар Тоҷикистон борону барф пешгӯӣ мешавад
«LONELY PLANET»: Маконҳое, ки дар Тоҷикистон ҳатман бояд онҳоро тамошо кард
САРНАВИШТИ ЗАНИ САЗОВОР. Бахшида ба 100-солагии Омӯзгори хизматнишондодаи Тоҷикистон Хосият Махсумова китоб ба нашр расид
ДАЪВАТИ ТИРАМОҲӢ. Нақшаи даъвати ҷавонон ба хизмати ҳарбӣ беш аз 92 фоиз иҷро шуд
Хонандагони ноҳияи Шоҳмансури шаҳри Душанбе дар се озмун ҷойи якум гирифтанд
Эҳтиром ва риояи ҳатмии Конститутсия ва қонунҳо вазифаи ҷониву виҷдонии ҳар шаҳрванд аст
