«ТОҶИКИСТОН-ПЕШОҲАНГИ ҲИФЗИ ПИРЯХҲО ДАР ҶАҲОН». Таҳти ин унвон дар Душанбе конференсияи ҷумҳуриявии илмӣ-амалӣ баргузор шуд
ДУШАНБЕ, 14.03.2024 /АМИТ «Ховар»/. Имрӯз дар Академияи миллии илмҳои Тоҷикистон таҳти унвони «Тоҷикистон-пешоҳанги ҳифзи пиряхҳо дар ҷаҳон» бо иштироки хонандагони муассисаҳои таҳсилоти миёнаи умумии шаҳри Душанбе ва олимону муҳаққиқон конференсияи ҷумҳуриявии илмӣ-амалӣ баргузор шуд.
Тавре ба АМИТ «Ховар» дар Маркази омӯзиши пиряхҳои Академияи миллии илмҳои Тоҷикистон хабар доданд, конференсия бо ташаббуси Анҷумани «Занони пиряхшинос»-и Маркази омӯзиши пиряхҳо дар ҳамкорӣ бо Ассотсиатсияи кор бо ҷавонони «АТОМ»-и Агентии амнияти химиявӣ, биологӣ, радиатсионӣ ва ядроӣ доир шуд.
Ҳадафи он аз тарғибу ташвиқи ташаббусҳои беназири Президенти Ҷумҳурии Тоҷикистон муҳтарам Эмомалӣ Раҳмон дар масъалаи обу иқлим, аз ҷумла доир ба масоили ҳифзи пиряхҳо ва соли 2025 – Соли байналмилалии ҳифзи пиряхҳо, 21 март – Рӯзи байналмилалии ҳифзи пиряхҳо ва «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», иттилоотонидани хонандагон оид ба ҳолати пиряхҳо дар шароити гармшавии глобалӣ, таҳияи роҳҳои асосии ҳамкорӣ ва ҷалб намудани хонандагон ба соҳаи илми пиряхшиносӣ, тавзеҳи таъсир ва алоқамандии радиатсия ба тағйирёбии иқлим, муҳити зист ва инсон иборат буд.
Иброз гардид, ки ибтикори панҷуми Президенти Ҷумҳурии Тоҷикистон муҳтарам Эмомалӣ Раҳмон, ки бо дастгирии дастҷамъонаи аъзои Созмони Милали Муттаҳид пазируфта шуд, тақозо ва фахри имрӯзаи мардуми тоҷик мебошад. Пиряхҳо яке аз манбаъҳои асосии обӣ дар тамоми мамлакатҳои сайёра ба шумор рафта, нақши онҳо дар таъмини аҳолии сайёра бо оби ошомиданӣ зиёд аст.
Дар конференсия озмуни «Иншои беҳтарин», ки аз ҷониби Анҷумани «Занони пиряхшинос» дар мавзуъҳои «Пешвои миллат ва ташаббусҳои он дар ҳифзи пиряхҳо», «Ман ифтихор аз сарзамини пиряхҳо дорам» ва «Ҳифзи пиряхҳо ҳифзи Ватан аст» барои баланд бардоштани сатҳи дониш ва саҳми хонандагон дар пешрафти сиёсати давлатӣ ва байналмилалии Ҷумҳурии Тоҷикистон дар соҳаи ҳифзи пиряхҳо эълон шуда буд, ҷамъбаст гардида, ғолибон бо ифтихорнома ва туҳфаҳои хотирмон сарфароз гардонида шуданд.
Бояд гуфт, ки Анҷумани «Занони пиряхшинос» дар муассисаҳои таҳсилоти миёнаи умумии ҷумҳурӣ дар мавзуи «Саҳми арзандаи Пешвои миллат дар масъалаи ҳифзи пиряхҳо» дарсҳои кушод доир намуд.
АКС: Маркази омӯзиши пиряхҳои Академияи миллии илмҳои Тоҷикистон
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Раванди омодагӣ ба Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» баррасӣ шуд
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Соли 2028 дар Тоҷикистон Конфронси Созмони Милали Муттаҳид оид ба захираҳои об баргузор мешавад
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
