Абдуҷаббор Азизӣ бо Сафири Давлати Фаластин Луай Исса мулоқот намуд

ДУШАНБЕ, 13.04.2024 /АМИТ «Ховар»/. Муовини якуми Раиси Ҳизби Халқии Демократии Тоҷикистон Абдуҷаббор Азизӣ бо Сафири Давлати Фаластин дар Ҷумҳурии Тоҷикистон доктор Луай Исса мулоқот намуд. Дар ин хусус ба АМИТ «Ховар» дар Ҳизби Халқии Демократии Тоҷикистон хабар доданд.

Абдуҷаббор Азизӣ иброз дошт, ки барқарории муносибатҳои дипломатӣ байни Тоҷикистон ва Давлати Фаластин ба рушду тавсеаи муносиботи ҳасанаи ҷонибҳо дар соҳаҳои мухталиф мусоидати муассир менамояд.

Абдуҷаббор Азизӣ густариши минбаъдаи робитаҳои дуҷониба ва аҳаммияти таҳкиму такмили заминаи қарордодиву ҳуқуқии ҳамкории ду мамлакатро муҳим ва зарур шумурда, самтҳои гуногуни иқтисодиву тиҷоратӣ, ҳамчунин соҳаҳои фарҳанг, илму техника, маориф ва тибро аз ҷумлаи самтҳои ояндадори ҳамкорӣ арзёбӣ намуд.

АКС: Ҳизби Халқии Демократии Тоҷикистон