Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
![](https://khovar.tj/wp-content/uploads/2024/04/Hurshed-Mirzo-3.jpg)
ДУШАНБЕ, 17.04.2024 /АМИТ «Ховар»/. Дар ҳошияи ҷаласаи 27-уми Комиссияи Созмони Милали Муттаҳид оид ба илм ва технология барои рушд мулоқоти Директори Агентии инноватсия ва технологияҳои рақамии назди Президенти Ҷумҳурии Тоҷикистон Хуршед Мирзо бо Котиби генералии Конфронси Созмони Милали Муттаҳид оид ба савдо ва рушд Ребека Гринспан баргузор гардид. Дар ин хусус АМИТ «Ховар» бо истинод ба Агентии инноватсия ва технологияҳои рақамӣ хабар медиҳад.
Зимни вохӯрӣ ҷонибҳо масъалаҳоро вобаста ба тақвияти ҳамкории Тоҷикистон бо UNCTAD дар самтҳои инноватсия ва рақамикунонии соҳаҳои иқтисодӣ, аз ҷумла дар доираи Стратегияи рушди зеҳни сунъӣ дар Ҷумҳурии Тоҷикистон то соли 2040 ва дигар самтҳои рушд мавриди баррасӣ қарор доданд.
АКС: Агентии инноватсия ва технологияҳои рақамии назди Президенти Ҷумҳурии Тоҷикистон