Ҷавонони шуҷоатманди шаҳри Гулистон омодаи хизмат ба Ватан-Модар мебошанд
ДУШАНБЕ, 02.04.2024 /АМИТ «Ховар»/. 1 апрел дар назди майдони Нишони давлатии Ҷумҳурии Тоҷикистон дар шаҳри Гулистон маросими гусели ботантанаи наваскарон ба сафи Қувваҳои Мусаллаҳи Ҷумҳурии Тоҷикистон баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Гулистон хабар медиҳад.
Ҳамоиши тантанавӣ бо садо додани Суруди миллӣ оғоз гардид.
Таъкид шуд, ки хушбахтона, имрӯзҳо садҳо ҷавонписарон аз шаҳри Гулистон дар сафи Қувваҳои Мусаллаҳи Ҷумҳурии Тоҷикистон сарбаландона қарзи Модар-Ватанро ба иҷро мерасонанд.
Мояи хушнудӣ аст, ки дар рӯзи аввали даъвати баҳорӣ ҷамоати шаҳракҳои Чоруқдаррон, Зарнисор ва Навгарзан нақшаи даъватро пурра иҷро намуданд.
Раиси шаҳр иброз намуд, ки Фармони Президенти Ҷумҳурии Тоҷикистон аз 5 марти соли 2024 «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1997-2006 Ҷумҳурии Тоҷикистон ба хизмати ҳарбӣ» ба тасвиб расид. Вобаста ба ин хизматчиёни ҳарбие, ки муҳлати муқарраргардидаи хизмати ҳарбиро адо намудаанд, моҳҳои апрел-майи соли 2024 ба эҳтиёт рухсат дода мешаванд. Ҳамчунин моҳҳои апрел-майи соли 2024 шаҳрвандони ҷинси марди то рӯзи даъват ба синни 18 расида, инчунин шаҳрвандони синни калонтари Ҷумҳурии Тоҷикистон, ки ҳуқуқи ба таъхир андохтани муҳлати даъват ё озод будан аз даъват ба хизмати ҳарбиро надоранд, барои хизмат ба сафи Қувваҳои Мусаллаҳи Ҷумҳурии Тоҷикистон ва дигар ҷузъу томҳо даъват мешаванд.
Қувваҳои Мусаллаҳи мо дар давраи ҳассос арзи вуҷуд намуда, дар муддати начандон дароз аз санҷишҳои ҷиддӣ гузашта, такомул ва обутоб ёфт. Ҳоло Қувваҳои Мусаллаҳи Тоҷикистон ҳамчун неруи тавоно, муҷаҳҳаз ва муташаккил амнияти давлат ва осоиши мамлакатро таъмин менамояд.
Маҳз тавассути ғамхориҳои пайвастаи Пешвои миллат, Сарфармондеҳи Олии Қувваҳои Мусаллаҳи Тоҷикистон муҳтарам Эмомалӣ Раҳмон имрӯз Артиши миллии мо ба қувва ва сипари боэътимоди муҳофизаткунанда табдил ёфтааст.
Дар маросими тантанавӣ ба як зумра навдаъватон, ки даврҳои ронандагиро ба итмом расонидаанд, шаҳодатномаи ронандагӣ тақдим шуд.
Сипас, чун анъана маросими нонгазон доир гардид. Санъаткорони бахши фарҳанги шаҳр барои болидахотирии иштирокчиёни чорабинӣ барномаи фарҳангӣ манзур намуданд.
АКС: Мақомоти иҷроияи ҳокимияти давлатии шаҳри Гулистон
Дар шоҳроҳи Душанбе — Кӯлоб — Хоруғ бар асари садамаи нақлиётӣ 11 нафар ба ҳалокат расид
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
ЧАРО ҲОЛАТҲОИ ҒАРҚШАВӢ КАМ НАМЕШАВАНД? Мутахассисон риояи қоидаҳои бехатариро омили асосии пешгирии ҳодисаҳои нохуш медонанд
Дар Вазорати мудофиа оид ба саҳми Артиши миллӣ дар таҳкими сулҳу субот ва Ваҳдати миллӣ ҳамоиш доир шуд
«Ҳифзи суботу оромии кишвар масъулияти ҳар як шаҳрванди ватандӯст мебошад», — бардошт аз ҳамоиш дар мақомоти милитсияи пойтахт
Дар Прокуратураи генералӣ бахшида Рӯзи Ваҳдати миллӣ ҷамъомади тантанавӣ баргузор шуд
НАШЪАМАНДӢ-ВАБОИ АСР. Саломатӣ ва озодиро интихоб намо, на вобастагиро!
Ҷаласаи Платформаи миллии Ҷумҳурии Тоҷикистон оид ба паст кардани хавфи офатҳои табиӣ дар соли 2026 баргузор гардид
Кормандони гумрук аз гардиши ғайриқонунӣ 4 қуттӣ маҳсулоти тамокуӣ дарёфт ва мусодира намуданд
Байни Агентии назорати маводи нашъаовари Тоҷикистон ва Вазорати корҳои дохилии Русия Созишномаи ҳамкорӣ ба имзо расид
Прокурори ҳарбии гарнизони Суғд: «Нақши Ваҳдати миллӣ дар рушди Қувваҳои Мусаллаҳ ва ҳифзи манфиатҳои миллӣ беназир аст»
Маркази матбуоти Вазорати корҳои дохилии Ҷумҳурии Тоҷикистон хабар медиҳад
