АЗ УРФУ ОДАТ ВА ФАРҲАНГИ БЕГОНА ПЕШГИРӢ МЕНАМОЕМ! Суратгузориши АМИТ «Ховар» аз Коллеҷи тиббии шаҳри Хуҷанд

ДУШАНБЕ, 22.04.2024 /АМИТ «Ховар»/. Президенти мамлакат муҳтарам Эмомалӣ Раҳмон дар мулоқот бо фаъолон, намояндагони ҷомеа ва ходимони дини ҷумҳурӣ  хотиррасон намуданд, ки «модарону бонувони мо – тоҷикон тарзи хоси либосҳои миллии худро доштанд ва онро ба мерос гузоштаанд, ки ҳар кадоме аз онҳо дар баробари зебоиву рангорангӣ меъёрҳои ахлоқиву эътиқодии мардуми бостонии моро инъикос мекард.Аз ин лиҳоз, мо бояд ба хотири ҳифзи асолат ва арзишҳои миллӣ воридшавии либосҳои ба ном динӣ, аммо ба урфу одат ва фарҳанги мо бегонаро пешгирӣ намоем». Дар Коллеҷи тиббии ба номи Юсуфхон Исҳоқии шаҳри Хуҷанд  бо мақсади ҳамовозӣ аз  ин даъвати  Сарвари давлат ҳамоиши «Тоҷикона мепӯшем!» баргузор гардид. Занону духтарони Коллеҷ  баҳри арҷ гузоштан ба фарҳанги миллӣ, анъанаҳои неки аҷдодӣ либоси миллӣ, аз ҷумла  атласу адрас ва  чакан ба бар намуда, пос доштани эҳтиром ба онро таъкид карданд. АМИТ «Ховар» аз ҷараёни баргузории ин ҳамоиш суратгузориш таҳия намуд.

Таҳияи Зоҳирҷони ТОИРЗОДА,
АМИТ «Ховар»