Бахшида ба Рӯзи илми тоҷик дар Институти астрофизика конференсияи ҷумҳуриявӣ доир гардид
ДУШАНБЕ, 15.04.2024 /АМИТ «Ховар»/. Дар Институти астрофизикаи Академияи миллии илмҳои Тоҷикистон бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020-2040), «Даҳсолаи байналмилалии «Об барои рушди устувор, 2018-2028 ва Соли маърифати ҳуқуқӣ конференсияи ҷумҳуриявии илмӣ-назариявии олимон ва ходимони илмии академия баргузор гардид. Дар ин хусус АМИТ «Ховар» бо истинод ба Институти астрофизика хабар медиҳад.
Дар конференсия иброз гардид, ки рушди илми ватанӣ зери таваҷҷуҳи Президенти ҷумҳурӣ муҳтарам Эмомалӣ Раҳмон қарор дошта, Раёсати Академияи миллии илмҳои Тоҷикистон ҳама корҳоро ба анҷом мерасонад, то илми тоҷик дар арсаи байналмилалӣ мақоми сазоворро соҳиб гардад.
Конференсия ба табодули андешаву дастовардҳои илмӣ дар самти омӯзиши кайҳон бо мақсади осоишта равона гардида, ба рушди тафаккури техникӣ ва ҷаҳонбинии олимони ҷавон такони ҷиддӣ мебахшад.
Дар конференсия аз ҷониби олимону ходимонии илмии институт маърузаҳо пешниҳод ва муҳокима шуданд.
АКС: Институти астрофизикаи Академияи миллии илмҳои Тоҷикистон
Имрӯз дар Тоҷикистон ҳавои камабри бебориш дар назар аст
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
